কোকৰাঝাৰত অঘটন ৷ স্বাস্থ্যকৰ্মীৰ ভুল চিকিৎসা আৰু একেৰাহে তিনিটাকৈ বেজী দিয়াৰ ফলত সুস্থ সবল কন্যা সন্তানৰ মৃত্যু হোৱাৰ অভিযোগ উত্থাপন কৰিছে পৰিয়ালৰ লোকে ৷
এই ঘটনাকলৈ পৰিয়ালৰ লোকে কোকৰাঝাৰ সদৰ থানাত এখন এজাহাৰ দাখিল কৰিছে। ঘটনাটো সংঘটিত হয় কোকৰাঝাৰ চহৰৰ জাম্ফি বাৰনৈ ৮নং ৱাৰ্ডত ৷
অভিযোগ মতে জাম্ফি বাৰনৈত কালি ১১-৩০ বজাত স্বাস্থ্য কৰ্মী চাৰিজন উপস্থিত হৈ সুস্থ সবল ১৬ মহীয়া কন্যা শিশু হিয়া ব্ৰহ্মক একেৰাহে তিনিটাকৈ বেজী দিয়ে।
মাজ নিশাৰ পৰা অসুস্থ হৈ পৰা দেৱ শিশু গৰাকীয়ে আজি দুপৰীয়া কৰুণ মৃত্যুক সাৱটি লয় ৷
ঘটনাটোকলৈ শিশু গৰাকীৰ মাতৃ জাংখাঙ গৌৰা ব্ৰহ্মই আজি তীব্ৰ প্ৰতিক্ৰিয়া ব্যক্ত কৰি কোকৰাঝাৰ সদৰ থানাত ভুল চিকিৎসা আৰু বেজী দিয়াৰ বাবে মৃত্যু হোৱাৰ এক গোচৰ তৰিছে ৷
