এগৰাকী পদ্মশ্ৰী বঁটা প্ৰাপ্ত বিজ্ঞানী তথা উদ্ভাৱক ।
উদ্ধৱ ভৰালীৰ বিৰুদ্ধে কিশোৰীক যৌন শোষণৰ অভিযোগ।
লখিমপুৰৰ এটি শিশু কল্যাণ গৃহৰ পৰা ২০২০ চনৰ আগষ্ট মাহত এগৰাকী কিশোৰ লালন-পালনৰ বাবে নিজা গৃহলৈ আনিছিল উদ্ভাৱক উদ্ধৱ ভৰালীয়ে।
কিশোৰীগৰাকীক দীৰ্ঘদিন ধৰি যৌন নিৰ্যাতন চলোৱাৰ গুৰুতৰ অভিযোগ উত্থাপিত হৈছে ভৰালীৰ বিৰুদ্ধে।
ইয়াৰোপৰি, নিৰ্ধাৰিত সময় উকলি যোৱাৰ পিছতো কিশোৰীগৰাকী গ্ৰহণ চুক্তি নৱীকৰণ কৰা নাছিল উদ্ধৱ ভৰালীয়ে।
বাৰম্বাৰ শিশু কল্যাণ সমিতিৰ পৰা উদ্ধৱ ভৰালীলৈ প্ৰেৰণ কৰা হৈছিল জাননী।
উত্তৰ লখিমপুৰ থানাত উদ্ধৱ ভৰালীৰ বিৰুদ্ধে ভাৰতীয় দণ্ডবিধিৰ ৩৫৪/৩৭৬(জে)/৩৭৬(কে) ধাৰা আৰু POSCO আইনৰ ৬ ধাৰা অধীনত ১৩৩২/২০২১ নম্বৰত এক গোচৰ ৰুজু হৈ আছে।
এই গোচৰ ৰুজু হোৱাৰ পাছতে গুৱাহাটী উচ্চ ন্যায়ালয়ত জামিন বিচাৰি আৱেদন কৰে উদ্ধাৱক তথা বিজ্ঞানী উদ্ধৱ ভৰালীয়ে।
তাৰ পাছতে ২৮ ডিচেম্বৰত ২৫ হাজাৰ টকা আমানতত আদালতে অন্তৱৰ্তীকালীন জামিন প্ৰদান কৰে ভৰালীক।
ভৰালীক উচ্চ ন্যায়ালয়ে বান্ধি দিয়ে কেতবোৰ চুক্তি।
উত্তৰ লখিমপুৰ থানাৰ ভাৰপ্ৰাপ্ত আৰক্ষী বিষয়াৰ অনুমতি অবিহনে জিলাৰ বাহিৰলৈ যাব নোৱাৰিব উদ্ধৱ ভৰালী।
আবেদনকাৰীয়ে ভুক্তভোগীৰ সৈতে কোনোধৰণৰ যোগাযোগ কৰিবলৈ চেষ্টা নকৰিব।
আবেদনকাৰীয়ে তদন্ত প্ৰক্ৰিয়াত বাধা নিদিব।
ইপিনে, লখিমপুৰ জিলা মুখ্য ন্যায়িক দণ্ডাধীশে যোৱা ১৮ ডিচেম্বৰ ২০২১ ৰ দিনা গোচৰটো ৰুজু কৰিবলৈ উত্তৰ লখিমপুৰ আৰক্ষীক গোচৰটো ৰুজু কৰিবলৈ নিৰ্দেশ দিয়ে। তথা অহা ৭ জানুৱাৰীত আৰক্ষীক কেচ ডায়েৰী আদালতত জমা দিয়াৰ গুৱাহাটী উচ্চ ন্যায়ালয়ৰ।
ইপিনে, স্বনামধন্য তথা পদ্মশ্ৰী বঁটা প্ৰাপক উদ্ভাৱক-বিজ্ঞানী উদ্ধৱ ভৰালীৰ বিৰুদ্ধে উত্থাপিত এই বিস্ফোৰক যৌন নিৰ্য্যাতনৰ ঘটনাৰ পাছতে তেওঁক পুৱাৰে পৰা যোগাযোগ কৰাৰ চেষ্টা কৰা হৈছিল।
কিন্তু তেওঁৰ ফোন চুইটছ অফ দেখায়। এই অভিযোগৰ তদন্তৰ ফলাফল কি হয় সেয়া পৰৱৰ্তী সময়ত লক্ষ্যণীয় হ’ব।