২০০১ চনৰ ৭ জানুৱাৰীত সঞ্জীৱ ৰায় নামৰ আক্ৰাছু নেতা গৰাকীক আততায়ীয়ে গুলীয়াই হত্যা কৰিছিল৷
সেই দিন ধৰি আক্ৰাছুৱে প্ৰতি বছৰে ৭ জানুৱাৰীৰ দিনটো ছহিদ দিৱস হিচাপে উদযাপন কৰি আহিছে৷বিটিআৰৰ সদৰ কোকৰাঝাৰ চহৰৰ ৰাসমেলা পথাৰত আক্ৰাছুৰ উদ্যোগত ২১ সংখ্যক কেন্দ্ৰীয় শ্বহীদ দিৱস দিনযোৰা কাৰ্যসূচীৰে উদযাপন কৰা হয়৷
আক্ৰাছুৰ ২১ সংখ্যক কেন্দ্ৰীয় শ্বহীদ দিৱসৰ কাৰ্যসূচীত উপস্থিত থকা আক্ৰাছুৰ সভাপতি দীপেন ৰায়,প্ৰাক্তন আক্ৰাছুৰ সভাপতিদ্বয় ক্ৰমে অৰুণ কুমাৰ ৰায়,বিশ্বজিত ৰায়ে কোচ-ৰাজবংশী জনগোষ্ঠীক জনজাতিৰ মৰ্যদা প্ৰদানক লৈ মুখ্যমন্ত্ৰী ড° হিমন্ত বিশ্ব শৰ্মাই দিয়া মন্তব্যৰ তীব্ৰ বিৰোধিতা কৰে।
জনজাতিকৰণ আৰু পৃথক কমতাপুৰৰ দাবীত পুনৰ তীব্ৰ গণতান্ত্ৰিক আন্দোলন গঢ়ি তোলা হব বুলি তেওঁলোকে সকিয়াই দিয়ে৷কোচ-ৰাজবংশী জনগোষ্ঠীয়ে পুনৰ বন্দুক তুলি লবলগীয়া পৰিস্থিতিৰ উদ্ভৱ হ’লে তাৰ বাবে চৰকাৰেই দায়ী হব লাগিব বুলি তেওঁলোকে সকিয়াই দিয়ে৷
