যোৱা তিনি সপ্তাহ ধৰি পৰিয়ালসহ অনুৰাগীসকলে উদ্বিগ্নতাৰে দিন কটাই অহাৰ পাছত অৱশেষত সুৰ সম্ৰাজ্ঞী কোকিলকন্ঠী কিংবদন্তি কন্ঠশিল্পী লতা মংগেশকাৰ সুস্থ হৈ উঠাৰ খবৰে সকলোকে স্বস্তি আনি দিছে।
দেওবাৰে লতা মংগেশকাৰৰ স্বাস্থ্য সম্পৰ্কে অৱগত কৰে মহাৰাষ্ট্ৰৰ স্বাস্থ্যমন্ত্ৰী ৰাজেশ তোপে।
লতা মংগেশকাৰ বৰ্তমান চিকিৎসক প্ৰতীত সমধানীৰ তত্বাৱধানত চিকিৎসাধীন হৈ আছে। চিকিৎসকগৰাকীৰ সৈতে কথা পাতি স্বাস্থ্যমন্ত্ৰীগৰাকীয়ে জানিবলৈ দিয়ে যে লতা মংগেশকাৰ সুস্থ হৈ উঠিছে।
বৰ্তমান আৰু ভেন্টিলেটৰৰ সহায়ৰ প্ৰয়োজন নাই সুৰ সম্ৰাজ্ঞীৰ। মাত্ৰ অক্সিজেন দিয়া হৈছে। যদিও শাৰীৰিক দুৰ্বলতা আছে, তেওঁ চিকিৎসকসকলৰ সৈতে কথাও পাতিছে।
লগতে পঢ়ক: SBIৰ IMPSত লেনদেনৰ সীমা বৃদ্ধি, লগোৱা হব বৰ্দ্ধিত চাৰ্জ; কাইলৈৰ পৰা সলনি হব এইবোৰ নিয়ম
উল্লেখ্য যে যোৱা ১১জানুৱাৰীত লতা মংগেশকাৰক হাস্পাতালত ভৰ্তি কৰোৱাৰ খবৰ সদৰী কৰা হৈছিল। কোভিডত আক্ৰান্ত কণ্ঠশিল্পীগৰাকী নিউমোনিয়াতো ভোগাৰ কথা জানিব পৰা গৈছিল।
হাস্পাতালত ভৰ্তি হোৱৰ পাছৰে পৰাই তেওঁৰ অজস্ৰ অনুৰাগীয়ে সুৰ সম্ৰাজ্ঞীগৰাকীৰ অসুস্থতাক লৈ চিন্তা ব্যক্ত কৰাৰ লগতে আৰোগ্য কামনা কৰি আহিছে।
