নৰেন্দ্ৰ মোডী, মুখ্যমন্ত্ৰী তথা যোগান মন্ত্ৰীৰ আহ্বানক ভেঙুচালি বিজেপি নেত্ৰীৰ।
ভুৱা ৰেচন কাৰ্ডৰ জড়িয়তে চৰকাৰী চাউল গ্ৰহণ কৰি থকাৰ অভিযোগ বিজেপি নেত্ৰীৰ বিৰুদ্ধে।
হয়, এইগৰাকী হৈছে শিৱসাগৰ পৌৰসভাৰ প্ৰাক্তন পৌৰপতি মৃদুস্মিতা সিনহা। তেওঁ মৃদুস্মিতা দত্তৰ নামত ভুৱা ৰেচন কাৰ্ড উলিয়াই চৰকাৰী চাউল লাভ কৰি থকাৰ এক গুৰুত্বৰ অভিযোগ উত্থাপন হৈছে।
শিৱসাগৰ জিলাৰ খাদ্য আৰু অসামৰিক যোগান বিভাগৰ কাৰ্যালয়ত পঞ্জীয়ণ হৈ থকা 181003337540 নম্বৰৰ ৰেচন কাৰ্ডখন মৃদৃস্মিতা দত্তৰ নামত আছে।
ইপিনে ৰেচন কাৰ্ডখনত থকা আন তিনিজন সদস্য ক্ৰমে সুনিল কুমাৰ সিনহা, সঞ্জীৱ কিশোৰ সিনহা, সন্দিপ কিশোৰ সিনহা ক্ৰমে বিজেপি নেত্ৰী মৃদুস্মিতা সিনহাৰ স্বামী আৰু দুই পুত্ৰ।
যি সকল ব্যক্তি চৰকাৰী চাকৰি আছে, ঘৰত গাড়ী বা বিপিএল শাৰীত নপৰে সেইসকল ব্যক্তিৰ নামত থকা ৰেচন কাৰ্ড কাৰ্যালয়ত জমা দিবলৈ চৰকাৰে নিৰ্দেশ দিছিল।
চৰকাৰৰ সেই নিৰ্দেশক সন্মান জনাই বহু ব্যক্তিয়ে ৰেচন কাৰ্ড জমা দিছিল।
কিন্তু শাসকীয় দলৰ নেত্ৰী হিচাপে প্ৰাক্তন পৌৰপতি মৃদুস্মিতা সিনহাই চৰকাৰৰ এই নিৰ্দেশক ভেঙুচালি কৰি দীৰ্ঘদিনে চৰকাৰী ৰেচনৰ সুবিধা গ্ৰহণ কৰি আহিছিল।
বিজেপি নেত্ৰীয়ে এইদৰে ভুৱা ৰেচন কাৰ্ডৰ জড়িয়তে চাউল লৈ থকাৰ বিৰুদ্ধে জাঙুৰ খাই উঠিছে জাতীয় সংগ্ৰামী সেনাৰ নেতা চিতু বৰুৱা। প্ৰশাসনক উপযুক্ত ব্যৱস্থা গ্ৰহণৰ দাবী চিতু বৰুৱাৰ।
