মাৰ্ঘেৰিটা মহকুমাত ড্ৰাগছৰ বিৰুদ্ধ ২৪ ঘণ্টাৰ অভিযানত ৫জন যুৱকক আটক কৰাৰ লগতে বৃহৎ পৰিমাণৰ ড্ৰাগছ আৰু নগদ জব্দ কৰিবলৈ সক্ষম হয় আৰক্ষী।
ৰাজ্যত আৰক্ষী প্ৰশাসনৰ দ্বাৰা ড্ৰাগছ বিৰোধী অভিযান অব্যাহত ৰখাৰ সময়তে মাৰ্ঘেৰিটা মহকুমাৰ ডিগবৈত বুজন পৰিমাণৰ ড্ৰাগছ, নগদ ধন সহ চাৰিজন যুৱকক আজি আটক কৰিবলৈ সক্ষম হয়।
প্ৰাপ্ত খবৰ অনুসৰি, গোপন সূত্ৰৰ তথ্য ভিত্তিত মাৰ্ঘেৰিটা মহকুমা আৰক্ষী বিষয়াৰ চেষ্টাত আৰু ডিগবৈ আৰক্ষী থানাৰ ভাৰপ্ৰাপ্ত আৰক্ষী বিষয়া ৰঞ্জিত বৰদলৈৰ নেতৃত্বত ডিগবৈ বন সংমণ্ডলৰ কাৰ্য্যালয়ৰ সন্মুখত চলোৱা তালাচী অভিযানত এছ ০১ এম ৭০৯১ নম্বৰৰ চুইফট ডিজায়াৰ বাহনেৰে দুলীয়াজান দিশৰ পৰা ডিগবৈ অভিমুখে আহি থকাৰ অৱস্থাত আটকাধীন যুৱক কেইজনৰ ওপৰত সন্দেহ ওপজাত ড্ৰাগছ সৰবৰাহকাৰী চাৰিজন যুৱকসহ ২১ গ্ৰাম নিষিদ্ধ ড্ৰাগছ, নগদ ১ লাখ ১০ হাজাৰ টকা জব্দ কৰিবলৈ সক্ষম হয়।
লগতে পঢ়ক: পাকিস্তানৰ সেনা ঘাটিত বিদ্ৰোহীৰ ভয়ংকৰ আক্ৰমণ; ৫জন সেনাকে ধৰি নিহত কমেও ১৯জন
আটকাধীন যুৱক কেইজন ক্ৰমে মাৰ্ঘেৰিটা ১ নং মাকুম পথাৰৰ নয়ন হাজৰিকাৰ পুত্ৰ জিতু হাজৰিকা (৩২), স্বৰ্গীয় সুৰেন বৰাৰ পুত্ৰ অজিত বৰা (৩১), স্বৰ্গীয় অকণ সন্দিকৈৰ পুত্ৰ জিতু সন্দিকৈ (৩১) আৰু চৰাইদেউ জিলা আইদেউবাৰী বাগান গাঁৱৰ চৰাইদেউৰ নিবাসী টিল বাহাদুৰ ছেত্ৰীৰ পুত্ৰ ৰাজু ছেত্ৰী (৩৭)।
আটকাধীন যুৱক কেইজনক ডিগবৈ আৰক্ষীয়ে জিম্মাত লৈ ২২/২২ নম্বৰত কেচ ৰুজু কৰি ২৩ বি এন ডি পি এছ ধাৰাৰ অধীনত গোচৰ ৰুজু কৰি অধিক তথ্যৰ বাবে জেৰা অব্যাহত ৰাখিছে।
আনহাতে কালি নিশা মাৰ্ঘেৰিটা মহকুমা আৰক্ষী বিষয়া পাৰ্থ প্ৰতিম দাস, মাৰ্ঘেৰিটা আৰক্ষী থানাৰ ভাৰপ্ৰাপ্ত বিষয়া সোমেশ্বৰ কোঁৱৰ আৰু লিডুৰ নৱ নিযুক্ত উপ পৰিদৰ্শক জ্যোতিষ ফুকনৰ নেতৃত্বত যোৱা এটা আৰক্ষীৰ দলে এক গোপন সূত্ৰৰ খবৰ ভিত্তিত দিহিং চাহবাগিছাৰ সমিপৰ কাৰ্বন ফেক্টৰিলৈ যোৱা পথৰ কাষৰ এখন দোকনত অভিযান চলাই আকাশ দত্ত নামৰ এজন ড্ৰাগছ ব্যৱসায়ী যুৱকক আটক কৰি থানালৈ লৈ আহে।
লগতে পঢ়ক: দিল্লীৰ ঘৰ বিক্ৰী কৰিলে অমিতাভ বচ্চনে; দাম শুনিলেই চকু কপালত উঠিব আপোনাৰ!
যুৱক জনৰ পৰা আৰক্ষীয়ে বহু পৰিমাণৰ ড্ৰাগছ জব্দ কৰাৰ লগতে এটা চিৰিঞ্জ, এটা মবাইল, ৭৩টা প্লাষ্টিক টেমা আৰু নগদ ২১, ৮৯০ টকা জব্দ কৰে। লগতে এ আৰ ১১ ৭৭৫১ নম্বৰৰ মাৰুতি ভান এখনো জব্দ কৰে আৰক্ষীয়ে।
উল্লেখ যে ড্ৰাগছৰ বিৰুদ্ধে এনে অভিযানক সচেতন ৰাইজে আদৰণি জনাইছে।
