পৌৰসভাৰ নিৰ্বাচনৰ আজি মনোনয়ন পত্ৰ দাখিলৰ অন্তিম দিন।
শিৱসাগৰৰ ১৪ টা ৱাৰ্ডৰ বাবে আজি মনোনয়ন পত্ৰ দাখিল কৰে ৰাইজৰ দল, বিজেপি, এজিপি আৰু কংগ্ৰেছ দলৰ প্ৰাৰ্থীয়ে।
ৰাইজৰ দলৰ সভাপতি তথা শিৱসাগৰ সমষ্টিৰ বিধায়ক অখিল গগৈৰ নেতৃত্বত ১৩ টা ৱাৰ্ডৰ ৰাইজৰ দলৰ প্ৰাৰ্থীয়ে একেলগে মনোনয়ন পত্ৰ দাখিল কৰে শিৱসাগৰ পৌৰসভা কাৰ্যালয়ত। এক বৃহৎ সমদলেৰে ৰাইজৰ দলৰ প্ৰাৰ্থী তথা কৰ্মীয়ে এইদৰে মনোনয়ন পত্ৰ দাখিল কৰে।
ইপিনে বিজেপি-এজিপি মিত্ৰজোঁটে ১৪ টা ৱাৰ্ডৰ বাবে মনোনয়ন পত্ৰ দাখিল কৰে। শিৱসাগৰৰ পৌৰ সভাৰ ১৪ টা ৱাৰ্ডৰ ভিতৰত ১১ টাত বিজেপিয়ে আৰু ৩ টাত এজিপিয়ে প্ৰতিদ্বন্দ্বিতা কৰিব।
শিৱসাগৰৰ বিজেপি দলৰ মনোনয়ন পত্ৰ দাখিলৰ সময়ত উপস্থিত থাকে শক্তি মন্ত্ৰী বিমল বৰা, যোৰহাট লোকসভা সমষ্টিৰ সাংসদ তপন কুমাৰ গগৈ।
ইপিনে কংগ্ৰেছৰ দূৰ্গ ৰূপে খ্যাত শিৱসাগৰ সমষ্টিত এইবাৰ মাত্ৰ ৮ টা ৱাৰ্ডতহে কংগ্ৰেছে প্ৰাৰ্থিত্ব প্ৰদান কৰে।
