কংগ্ৰেছ নেতা তথা লোকসভাৰ সাংসদ গৌৰব গগৈয়ে শনিবাৰে কয় যে অসমৰ মুখ্যমন্ত্ৰী হিমন্ত বিশ্ব শৰ্মাই উত্তৰ প্ৰদেশৰ মুখ্যমন্ত্ৰী যোগী আদিত্যনাথক অনুকৰণ কৰাৰ চেষ্টা চলাইছে।
গৌৰব গগৈয়ে কয় যে মুখ্যমন্ত্ৰী হোৱাৰ পিছৰে পৰা হিমন্ত বিশ্ব শৰ্মাই ৰাজ্যখনৰ মূল সমস্যাসমূহৰ ওপৰত দৃষ্টি দিয়াৰ পৰিৱৰ্তে যোগী আদিত্যনাথক অনুকৰণ কৰাৰ চেষ্টা চলাই আহিছে।
‘’এইদৰে তেওঁ কোনো শীৰ্ষনেতাক সন্তুষ্ট কৰিব বিচৰা যেন লাগে,’’-তেওঁ লগতে কয়।
তদুপৰি, গগৈয়ে কয় যে হিমন্ত বিশ্ব শৰ্মাই অধিক অসমীয়া হোৱাৰ চেষ্টা কৰা উচিত আৰু অসমৰ বিশিষ্ট ব্যক্তিসকলক অনুসৰণ কৰা প্ৰয়োজন।
লগতে পঢ়ক: বিজেপিয়ে কোনোবাদিনা অসমখনকে কৰ্পোৰেটক লীজত দিব পাৰে: আছু
গগৈয়ে কয়,’’হিমন্ত বিশ্ব শৰ্মা প্ৰথম বছৰৰ কাৰ্যকালছোৱাত ব্যৰ্থ হৈছে আৰু তেওঁৰ প্ৰতিশ্ৰুতি ৰক্ষা কৰিব পৰা নাই। তেওঁ প্ৰথম বছৰটোত ১লাখ চাকৰি দিয়াৰ প্ৰতিশ্ৰুতি দিছিল যদিও ৰাজ্যখনত যুৱক-যুৱতীসকলৰ বাবে কোনো চাকৰি নাই অথচ ৰাজ্যৰ বাহিৰৰ পৰা বহুতেই ইয়াত চাকৰি লাভ কৰিছে।‘’
তেওঁ অভিযোগ কৰে যে বিজেপিয়ে চেষ্টা চলোৱা একমাত্ৰ কামটো হৈছে আৰএছএছৰ অনুগামীসকলক ৰাজ্যৰ বাহিৰৰ পৰা আনি অসমীয়াৰ বাবে থকা চাকৰিসমূহত নিয়োগ কৰা।
