ইউক্ৰেইনৰ দক্ষিণৰ খেৰছন অঞ্চলৰ ছোৰনোবাইভ’কাত এজন ৰাছিয়ান জেনেৰেলক হত্যা কৰাৰ দাবী কৰিছে ইউক্ৰেইনৰ সেনা বাহিনীয়ে। তেওঁলোকে জানিবলৈ দিছে যে নিহত জেনেৰেলজনৰ নাম হৈছে ইয়াকভ এজান্টেছেভ।
আন্তৰ্জাতিক সংবাদ মাধ্যমৰ বাতৰি মতে, ইউক্ৰেইনৰ সেনা বাহিনীয়ে হত্যা কৰা বুলি দাবী কৰা ইয়াকভ এজান্টেছেভ ৰাছিয়ান ফেডাৰেছনৰ দক্ষিণ সামৰিক জিলাৰ ৪৯সংখ্যক সন্মিলিত সামৰিক বাহিনীৰ কমাণ্ডাৰ আছিল।
লগতে পঢ়ক: ইউক্ৰেইন যুদ্ধ: ৰাছিয়াৰ ৰাষ্ট্ৰপতি পুটিনৰ ‘বাতিল সংস্কৃতি’ মন্তব্যৰ প্ৰত্যুত্তৰ দিলে জে কে ৰাউলিঙে
অৱশ্যে কেতিয়া এই সেনা জেনেৰেলজনক হত্যা কৰা হৈছে সেই সন্দৰ্ভত কোনো কথা সদৰী কৰা নাই।
ইপিনে, ৰাছিয়াৰ প্ৰতিৰক্ষা মন্ত্ৰ্যালয়ৰ ফালৰ পৰাও এই সম্পৰ্কত কোনো প্ৰতিক্ৰিয়া প্ৰকাশ কৰা নাই।
বিগত ২৪ ফেব্ৰুৱাৰীৰ পৰা ইউক্ৰেইনত ৰাছিয়াই চলোৱা সামৰিক অভিযানত এতিয়ালৈকে সাতজন ৰাছিয়াৰ সেনা জেনেৰেল নিহত হোৱা বুলি কোৱা হৈছে।
লগতে পঢ়ক: নৰ্থ-ইষ্ট নাওত নিতুপৰ্ণ ৰাজবংশীৰ কাৰ্টুন
ৰাছিয়া-ইউক্ৰেইন যুদ্ধৰ ফলত হাজাৰোধিক সাধাৰণ নাগৰিকৰ মৃত্যু হোৱাৰ উপৰি লাখ লাখ লোক আশ্ৰয়হীন হৈ পৰিছে আৰু লক্ষাধিক লোকে চুবুৰীয়া দেশত গৈ আশ্ৰয় লৈছে।
