দাঙিব নোৱাৰা বোজা! চেন্নাই ছুপাৰ কিংছৰ নেতৃত্ব এৰি জাডেজাই দায়িত্ব ওভতাই দিলে ধোনীক

আইপিএলৰ অন্যতম শক্তিশালী দল হিচাপে পৰিচিত চেন্নাই ছুপাৰ কিংছৰ অধিনায়কৰ দায়িত্ব এৰিলে ৰবীন্দ্ৰ জাডেজাই। পুনৰ এই দায়িত্ব ওভতাই দিলে পূৰ্বৰ অধিনায়ক মহেন্দ্ৰ সিং ধোনীক।

শনিবাৰেই এই ডাঙৰ ঘোষণাৰ কথা সদৰী কৰে চেন্নাইয়ে। পঞ্জাৱৰ বিৰুদ্ধে খেলা মেচখনৰ পিছতে এই সিদ্ধান্ত লোৱা বুলি জানিব পৰা গৈছে। মেচখনত চেন্নাই ১১ৰাণত পৰাজিত হৈছিল। চেন্নাইয়ে মুঠ আঠখন মেচ খেলি মাত্ৰ দুখনত জয়লাভেৰে লীগ তালিকাৰ নৱম স্থানত আছে।

লগতে পঢ়ক: সংসদত মহিলা সহকৰ্মীৰ কাষত বহি পৰ্ণ’গ্ৰাফী চোৱাৰ অভিযোগত নিলম্বিত ব্ৰিটিছ সাংসদৰ পদত্যাগ

চিএছকেৰ সূত্ৰই জনোৱা মতে জাডেজা, ধোনী আৰু প্ৰশিক্ষক ষ্টিফেন ফ্লেমিঙৰ এক বৈঠকৰ পিছতে এই সিদ্ধান্ত গ্ৰহণ কৰা হয়। জাডেজাই নিজেই নেতৃত্ব এৰি সেয়া ধোনীক অৰ্পন কৰাৰ ইচ্ছাৰ কথা টীম মেনেজমেন্টক জনাইছিল। ধোনীয়েও দলৰ স্বাৰ্থত পুনৰ দায়িত্ব ল’বলৈ মান্তি হৈছে।

এইবাৰৰ ছিজন আৰম্ভ হোৱাৰ পূৰ্বেই ধোনীয়ে অধিনায়ক পদৰ পৰা আঁতৰি জাডেজাক তেওঁৰ উত্তৰসূকৰী হিচাপে নিৰ্বাচিত কৰিছিল। ধোনী দলত থকা সময়তে যাতে চিএছকেৰ পৰৱৰ্তী নেতৃত্ব পৰিপক্ক হৈ উঠে তালৈ লক্ষ্য কৰা হৈছিল। জাডেজাই অধিনায়ক হোৱাৰ পিছতো সেয়ে খেলপথাৰত ধোনীৰ পৰামৰ্শ মতেই প্ৰায়ে সিদ্ধান্ত গ্ৰহণ কৰা দেখা গৈছিল।

পিচে, অধিনায়ক হোৱাৰ পিছত তাৰকা অলৰাউণ্ডাৰ জাডেজাৰ খেলত ব্যাপক প্ৰভাৱ পৰা দেখা যায়। আঠখন মেচত জাডেতাই মাত্ৰ ১২২ৰাণহে কৰাৰ লগতে উইকেট লৈছে মাত্ৰ ৫টা।

📢 Official announcement!

Read More: 👇#WhistlePodu #Yellove 🦁💛 @msdhoni @imjadeja

— Chennai Super Kings (@ChennaiIPL) April 30, 2022

সেয়ে, নিজৰ বিষয়ত নতুনকৈ চিন্তা কৰিবলৈ লয় জাডেজাই। প্ৰতিযোগিতাত হতাশাজনক প্ৰদৰ্শনৰ পিছতো এতিয়াও দলীয় মেনেজমেন্টৰ আশা যে দলটো পুনৰ নিজৰ শক্তিশালী স্থিতিৰ মাজলৈ উভতি আহিব।