দেশত শেহতীয়াকৈ বৃদ্ধি পোৱা নাৰী নিৰ্যাতনৰ প্ৰতিবাদত আৰু দেশজুৰি চাঞ্চল্যৰ সৃষ্টি কৰা কাঠুৱা আৰু উন্নাওৰ ধৰ্ষণকাণ্ডত প্ৰধান মন্ত্ৰী নৰেন্দ্ৰ মোদীৰ মৌনতাৰ প্ৰতিবাদত আজি ৰাজ্যজুৰি মহিলা কংগ্ৰেছে ৰূপায়ণ কৰা ক’লা দিৱসৰ অংশ হিচাপে বৰপেটাতো জিলা মহিলা কংগ্ৰেছে দিনৰ ১২বজাৰ পৰা এঘণ্টীয়া কাৰ্যসূচীৰে ৰূপায়ণ এই কলা দিৱস৷
বৰপেটা ৰাজীৱ ভৱনৰ সন্মুখত ৰূপায়ণ কৰা এই কাৰ্যসূচীত মহিলা কংগ্ৰেছৰ সদস্যাসকলে “ধৰ্ষণকাৰীক ফাঁচি দিয়ক”, “মহিলাক সুৰক্ষা দিব নোৱাৰা বিজেপি চৰকাৰ হায় হায়”, “কাঠুৱা-উন্নাও ধৰ্ষণকাণ্ড সন্দৰ্ভত নৰেন্দ্ৰ মোডী নীৰৱ কিয় জবাব দিয়ক” আদি বিভিন্ন শ্ল’গান দিয়ে৷
কাৰ্যসূচীত বিভিন্ন ব্লক কংগ্ৰেছৰ নেত্ৰীসকলৰ লগতে জিলা মহিলা কংগ্ৰেছৰ সভানেত্ৰী অঞ্জুৱাৰা বেগমো উপস্থিত আছিল৷