তৃতীয় পক্ষৰ হস্তক্ষেপেৰে দীৰ্ঘদিনীয়া আন্তঃৰাজ্যিক সীমা বিবাদ নিষ্পত্তি কৰাৰ বাবে তৃতীয় মেঘালয় বিধানসভাৰ কগ্ৰেছী বিধায়ক বি টি চাওকমিয়ে মেঘালয় চৰকাৰলৈ আহ্বান জনাইছে।
বিধানসভাত কাট মশ্বনৰ মাজৰে উত্থাপন কৰা আলোচনাত চাওকমিয়ে কৈছে যে যিহেতু বহু বছৰৰ পৰা এতিয়ালৈকে এই সমস্যাটো সমাধান নোহোৱাকৈ আছে সেয়েহে উচ্চতম ন্যায়ালয়লৈ সমস্যাটো লৈ যোৱাৰ বাবে তৃতীয় পক্ষৰ হস্তক্ষেপৰ প্ৰয়োজন।
আন্তঃৰাজ্যিক সীমাৰ কাষে কাষে বাস কৰা ভূ্স্বামীসকলৰ জৰীপ কৰাত পূৰ্বৰ নেতৃত্বৰ উদ্যোগ মনত পেলাই তেওঁ আৰু কৈছে যে আন্তঃৰাজ্যিক সীমাৰ বহু স্থানত কোনো সীমাৰ খুটি নাই।
তেওঁ কয় যে আন্তঃৰাজ্যিক সীমাৰ কাষে কাষে থকা লোকসকলে নিজৰ ভূমি হেৰুওৱাটো উচিৎ নহ’ব আৰু চৰকাৰে তেওঁলোকৰ ভূমি ৰাজ্য চৰকাৰৰ সৈতে পঞ্জীয়ন কৰাৰ বাবে উৎসাহিত কৰিব লাগে।
উমৰ’ইৰ কংগ্ৰেছ বিধায়ক জৰ্জ বি লিংডোৱে কৈছে যে ৰাজ্যখনৰ ভূমি নথিৰ অৱস্থা অত্যন্ত পুতৌজনক আৰু মানুহৰ মেঘালয়ত থকা ভূমি অসম চৰকাৰ সৈতে পঞ্জীয়ন হৈ আছে।
তেওঁ আৰু কৈছে যে কেন্দ্ৰ চৰকাৰৰ ডিজিটেল ইণ্ডিয়া অভিযানৰ অংশ হিচাপে সকলো ভূমি নথি ডিজিটেলাইজ কৰিব লাগে।
তেওঁ আৰু কয় যে ষ্টাম্প কৰ ১২শতাংশ হোৱা হেতুকে এয়া জনসাধাৰণৰ বাবে সমস্যা হৈ পৰিছে আৰু জনসাধাৰণক উৎসাহ প্ৰদান কৰাৰ বাবে ষ্টাম্প কৰ হ্ৰাস কৰিব লাগে।
তেওঁ আৰু কয় যে সঠিক ভূমি নথিৰ অভাৱত বৰ্তমান ভূমিখিনি পুনৰীক্ষণ কৰাৰ দায়িত্ব বিক্ৰেতাসকলৰ ওপৰতে ন্যস্ত হৈ আছে।
লিংডোৱে আৰু কয় যে ৰাজহ আৰু দুৰ্যোগ ব্যৱস্থাপনা বিভাগত দুৰ্যোগ থকাটো অনুচিৎ আৰু প্ৰাকৃতিক দুৰ্যোগৰ সময়ত দুৰ্যোগৰ দ্বাৰা প্ৰভাৱিত লোকসকলক তাৎক্ষণিক সাহাৰ্য প্ৰদান কৰাৰ বাবে দুৰ্যোগ ব্যৱস্থাপনা বিভাগটোক এটা কাৰ্যক্ষম বিভাগ হিচাপে গঢ়ি তুলিব লাগে।
তেওঁৰ প্ৰশ্নৰ উত্তৰত ৰাজহ আৰু দুৰ্যোগ ব্যৱস্থাপনা মন্ত্ৰী কেইমান শ্বিলাই এটা সুদীৰ্ঘ ভাষণ প্ৰদান কৰে কিন্তু দুজন বিধায়কে উত্থাপন কৰা সীমা বিবাদ সম্পৰ্কীয় গুৰুত্বপূৰ্ণ বিষয়টো স্পৰ্শই নকৰিলে।
