৩০ ঘন্টা পানীত উপঙি যোগ কৰি অভিলেখ গঢ়িলে অসমৰ দুই সাঁতোৰবিদে। সাঁতোৰবিদ বাবুল গুৰুঙ আৰু কুলদ্বীপ শইকীয়াই এই অভিলেখ গঢ়িছে।
সাঁতোৰ প্ৰশিক্ষক বাবুল গুৰুঙ আৰু তেওঁৰ শিষ্য কুলদ্বীপ শইকীয়াৰ আন্তঃৰাষ্ট্ৰীয় যোগ দিৱস উপলক্ষে এই প্ৰচেষ্টা হাতত লৈছিল।
সোমবাৰে পুৱা ১০ বজাৰ পৰা মঙ্গলবাৰে বিয়লি ৪ বজালৈকে পানীত উপঙি যোগ কৰি আছিল গুৰু আৰু শিষ্যই।
সৰুসজাই ষ্টেডিয়ামৰ ড০ জাকিৰ হুছেইন একুৱাটিক কমপ্লেক্সত এই অভিলেখ গঢ়িলে দুই সাঁতোৰবিদে।
লিমকা বুক অৱ ৰেকৰ্ডছ আৰু অসম বুক অৱ ৰেকৰ্ডছত নাম অন্তৰ্ভুক্তিৰ বাবে এই প্ৰয়াস চলাইছিল দুই সাঁতুৰবিদে।
নিশা পানীয় আৰু খেঁজুৰ খাদ্য হিচাপে গ্ৰহণ কৰিবলৈ চিকিৎসকে দুয়ো সাঁতোৰবিদকে পৰামৰ্শ দিছিল।
