‘ড্ৰাগছ জীৱনৰ বাবে ভয়ংকৰ । ড্ৰাগছৰ পৰা আতঁৰি থাকক । আহক এখন ড্ৰাগছ মুক্ত সমাজ গঢ়ো । ‘ এনেবোৰ শ্ল’গানেৰে আজি আন্ত:ৰ্জাতিক ড্ৰাগছ মুক্ত দিৱসৰ লগত সংগতি ৰাখি মাৰ্ঘেৰিটা ৰঙ্গমঞ্চৰ পৰা বৰগোলাই পৰ্যন্ত বাইক আৰু গাড়ীৰ ৰেলীয়ে আজি দৃষ্টি আকৰ্ষণ কৰে মাৰ্ঘেৰিটাবাসীৰ ।
সেৱা ফাউণ্ডেচেনৰ উদ্যোগত তথা আছু ,জাতীয় জনগোষ্ঠীয় কেইবাটাও সংগঠনৰ সহযোগত মাৰ্ঘেৰিটা ৰঙ্গমঞ্চত প্ৰথমে ড্ৰাগছ সজাগতা সভা অনুষ্ঠিত কৰা হয় ।
আছুৰ মাৰ্ঘেৰিটা আঞ্চলিকৰ সভাপতি চিন্তু গগৈয়ে আঁত ধৰা সভাখনত মুখ্য অতিথি হিচাপে উপস্থিত থাকে মাৰ্ঘেৰিটা মহাবিদ্যালয়ৰ অধ্যাপক ড° ৰমেন হাজৰিকা , মাৰ্ঘেৰিটা হায়াৰচেকেণ্ডাৰী স্কুলৰ জ্যেষ্ঠ শিক্ষক লক্ষ্যধৰ সোণোৱাল আৰু সেৱা ফাউণ্ডেচেনৰ সম্পাদিকা ৰঞ্জু বৰুৱা চেতিয়া।
আজিৰ এই অনুষ্ঠানত ’আপাৰ আছাম ৰিক’ভাৰী ফৰাম’ৰ সমূহ সদস্য- সদস্যা সকলো উপস্থিত থাকে ।
অনুষ্ঠান সফল কৰি তোলাৰ বাবে সকলোকে ধন্যবাদ জ্ঞাপন কৰে সেৱা ফাউণ্ডেচেনৰ সভাপতি ত্ৰিদিপ চেতিয়াই।
