PETA asks women to say no to sex পৃথিৱীক উষ্ণায়ন আৰু জলবায়ু পৰিৱৰ্তনৰ পৰা ৰক্ষা কৰিবলৈ আগবাঢ়ি আহিবলৈ পেটাই (PETA) মহিলাসকলক আহ্বান জনাইছে। পশুৰ অধিকাৰ বিষয়ক সংস্থা পেটাই মহিলাসকল আহ্বান জনাই কয়, “যদি আপোনাৰ পুৰুষ সংগীয়ে মাংস খায়, তেন্তে তেওঁৰ সৈতে যৌন সম্ভোগ নকৰিব।‘’
টাইমছ ৰেডিঅ’ৰ সৈতে হোৱা এক সাক্ষাৎকাৰত ড. কেৰিছ বেনেটে পেটাৰ হৈ এই আহ্বান জনাইছিল। এই অহানৰ সমৰ্থনত তেওঁ দাবী কৰে যে জলবায়ু দুৰ্যোগৰ বাবে পুৰুষসকল মহিলাতকৈ অধিক দায়ী।
শেহতীয়া এক সমীক্ষাৰ প্ৰতিবেদনৰ কথা উল্লেখ কৰি তেওঁ কয় যে পুৰুষে মহিলাতকৈ অধিক মাংস খায়। যাৰ প্ৰত্যক্ষ প্ৰভাৱ পৰিৱেশৰ ওপৰত পৰে। সেয়েহে জলবায়ু পৰিৱৰ্তনৰ প্ৰভাৱৰ পৰা বিশ্বক সুৰক্ষিত কৰিবলৈ মহিলাসকলে “মাংস খোৱা পুৰুষৰ সৈতে যৌন সম্ভোগ” কৰা উচিত নহয়। স্বাভাৱিকতে, পেটাৰ আহ্বানে বিভিন্ন মাধ্যমত এক বৃহৎ বিতৰ্কৰ সৃষ্টি কৰিছে।
পেটাই বিশ্বাস কৰে যে এই যৌন ধৰ্মঘটেই বিশ্বক পৰিৱেশ প্ৰদূষণ আৰু জলবায়ু পৰিৱৰ্তনৰ পৰা সুৰক্ষিত কৰিব। “পুৰুষৰ খাদ্যাভ্যাসৰ বাবে অতিৰিক্ত গ্ৰীণ হাউছ গেছৰ ৪১ শতাংশ উৎপন্ন হয়,” সংস্থাটোৱে এক বিবৃতিত কয়। লগতে কোৱা হৈছে, “যিসকল পুৰুষে বীয়েৰৰ বটলৰ সৈতে মাংস পুৰি খায় তেওঁলোকে কেৱল জন্তুবোৰৰে নহয়, পৰিৱেশৰো ব্যাপক ক্ষতি কৰে।‘’
লগতে পঢ়ক: অকল টকাৰেই নহয়, ডলাৰৰ বিপৰীতে ব্ৰিটিছ পাউণ্ডৰো ৰেকৰ্ড পতন
টাইমছ ৰেডিঅ’ৰ সৈতে হোৱা সাক্ষাৎকাৰত ড. বেনেটে দাবী কৰে যে আহাৰৰ পাৰ্থক্যৰ বাবেই পুৰুষে মহিলাতকৈ অধিক কাৰ্বন উৎপাদন কৰে। এই খাদ্যাভাসৰ সলনি কৰিবলৈকো তেওঁ মহিলাসকলৰ সহায় বিচাৰিছে। পেটাই দীৰ্ঘদিন ধৰি পশুৰ অধিকাৰৰ বাবে যুঁজ দি আহিছে। তেওঁলোকৰ বৰ্তমান ২০ লাখৰো অধিক সমৰ্থক আছে।
https://twitter.com/TheOGAllison/status/1574102462331748352?ref_src=twsrc%5Etfw%7Ctwcamp%5Etweetembed%7Ctwterm%5E1574102462331748352%7Ctwgr%5E79123f88a67e1c90d08dc00b1d21f6e2a36adbb1%7Ctwcon%5Es1_&ref_url=https%3A%2F%2Feisamay.com%2Fviral%2Fdo-not-sleep-with-meat-eating-men-peta-requests-women-to-do-sex-strike%2Farticleshow%2F94446553.cms
ইপিনে, পেটাৰ এই মন্তব্যৰ পিছতে বিভিন্ন মহলত যথেষ্ট বিতৰ্কৰ সৃষ্টি হৈছে। নেটিজেনৰ এটা অংশই সামাজিক মাধ্যমত সংস্থাটোক প্ৰায় লক্ষ্য কৰি লৈছে। কিছুমানে মন্তব্য কৰিছে “যৌনতা কোনো সঁজুলি নহয়।” কিছুমানে পেটাক “ভণ্ড” বুলিও আক্ৰমণ কৰিছে।
"Men have a 40 percent higher carbon footprint because they're eating more meat than woman."
Women in Germany are being told to stop having sex with their husbands and boyfriends until they stop eating red meat. Dr Carys Bennett from PETA explains on #TimesRadio. pic.twitter.com/6B9jlFn1Pl
— Times Radio (@TimesRadio) September 22, 2022
দৰাচলতে, পৃথিৱীৰ কিছু অংশ দাবানল, অত্যাধিক বৰষুণ আৰু বানপানীৰ ফলত প্ৰায় বিধ্বস্ত হৈ পৰিছে। বিজ্ঞানীসকলৰ প্ৰতিবেদন অনুসৰি জলবায়ু পৰিৱৰ্তন দ্ৰুত গতিত বৃদ্ধি পাইছে আৰু ইয়াৰ ফলত পৃথিৱীখন তুলনামূলকভাৱে দ্ৰুততাৰে অধিক গৰম হৈ আহিছে।
