Myanmar court sentences Suu Kyi ম্যানমাৰৰ অপসাৰিত নেত্রী আং চান চু কী আৰু তেওঁৰ প্ৰাক্তন অৰ্থনৈতিক উপদেষ্টা অষ্ট্ৰেলিয়াৰ শ্বন টাৰ্ণেলক তিনি বছৰৰ কাৰাদণ্ড বিহা হৈছে।
বৃহস্পতিবাৰে এখন সামৰিক আদালতে এই সিদ্ধান্ত লয়। সংবাদ সংস্থাৰ বাতৰি মতে, তেওঁলোক দুয়োকে কাৰাদণ্ড বিহা হৈছে।
লগতে পঢ়ক: শুকুৰবাৰে ইউক্ৰেইনৰ দখলীকৃত চাৰিটা অঞ্চল ৰাছিয়াৰ সৈতে সংযুক্ত কৰিব পুটিনে!
দুয়োগৰাকীৰ বিৰুদ্ধে অ’ফিচিয়েল চিক্ৰেটছ এক্ট উলংঘা কৰাৰ অভিযোগ আৰোপ কৰা হৈছিল। এই অপৰাধৰ বাবে সৰ্বাধিক শাস্তি হৈছে ১৪ বছৰ কাৰাবাস।
আদালতত চু কী আৰু ছনে দোষী নহয় বুলি স্বীকাৰ কৰিছিল। ২০২১ চনত সামৰিক অভ্যুত্থানৰ পিছত চৰকাৰে চু কীক কেইবাজনো অৰ্থনৈতিক উপদেষ্টা, ৰাজনীতিবিদ, আইন প্ৰণেতা আৰু সাংবাদিকৰ সৈতে গ্ৰেপ্তাৰ কৰে।
নবেল বঁটা বিজয়ী চু কীক বিভিন্ন গোচৰত ১৭ বছৰৰ কাৰাদণ্ড দিয়া হৈছে। বেছিভাগ গোচৰে আছিল দুৰ্নীতি বিষয়ক। অৱশ্যে চু কীয়ে সকলো অভিযোগ অস্বীকাৰ কৰি আহিছে।
লগতে পঢ়ক: গ্ৰেপ্তাৰী পৰোৱানা জাৰি; গ্ৰেপ্তাৰ হ’ব পাৰে একতা কাপুৰ, মাতৃ শোভা কাপুৰ
অষ্ট্ৰেলিয়াৰ বৈদেশিক মন্ত্ৰালয়ে এতিয়ালৈকে টাৰ্ণেলৰ কাৰাদণ্ডৰ বিষয়ত প্ৰতিক্ৰিয়া প্ৰকাশ কৰা নাই। শ্বন অষ্ট্ৰেলিয়াৰ মেকোৱাৰ বিশ্ববিদ্যালয়ৰ অৰ্থনীতিৰ অধ্যাপক আছিল। অৱশ্যে অষ্ট্ৰেলিয়া চৰকাৰে অষ্ট্ৰেলিয়াত তেওঁৰ কোনোধৰণৰ বিচাৰৰ বাবে আগ্ৰহ প্ৰকাশ কৰা নাই।
