RPF Recovers Ganja worth more than Rs. 14 Lacs উত্তৰ পূৱ সীমান্ত ৰে’লৱেৰ ৰে’লৱে সুৰক্ষা বাহিনীয়ে ৰে’ল যোগে নিষিদ্ধ সামগ্ৰী সৰবৰাহৰ বিৰুদ্ধে অভিযান চলাই অলপতে ১৪ লাখ টকাতকৈও অধিক মূল্যৰ গাঞ্জা উদ্ধাৰ কৰিবলৈ সক্ষম হৈছে।
অক্টোবৰ মাহৰ ১৫ আৰু ১৬ তাৰিখৰ ভিতৰত তেওঁলোকে আনুমানিক ১৪৭ কেজি. গাঞ্জা জব্দ কৰিবলৈ সক্ষম হয়। উত্তৰ পূৱ সীমান্ত ৰে’লৱেৰ অন্তৰ্গত বিভিন্ন ষ্টেচন আৰু ৰে’লত চলোৱা নিয়মীয়া পৰীক্ষণ আৰু তালাচীৰ সময়ত গৰাকীবিহীন বেগৰপৰা এই নিষিদ্ধ সামগ্ৰী উদ্ধাৰ কৰা হয়।
লগতে পঢ়ক: দালাই লামাক লৈ গান গোৱাৰ বাবেই পাঁচজন তিব্বতীক আটক চীনা কৰ্তৃপক্ষৰ
১৬ অক্টোবৰত সংঘটিত এক ঘটনাত আগৰতলাৰ ৰে’লৱে সুৰক্ষা বাহিনীৰ এটা দলে আগৰতলা ৰে’ল ষ্টেচনত এক তালাচী অভিযান চলায়। অভিযানৰ সময়ত তেওঁলোকে ২৪ পেকেট গাঞ্জা থকা ৪ টা গৰাকীবিহীন বস্তা জব্দ কৰিবলৈ সক্ষম হয়। জব্দ কৰা গাঞ্জাখিনিৰ ওজন প্ৰায় ৬০ কিলোগ্ৰাম আৰু ইয়াৰ মূল্য আনুমানিক ৬ লাখ টকা হব। পিছত জব্দ কৰা সামগ্ৰীবোৰ আগৰতলাৰ জিআৰপিক পৰৱৰ্তী বিহিত ব্যৱস্থা গ্ৰহণৰ বাবে গতাই দিয়া হয়।
আনহাতে, ১৬ অক্টোবৰতে এনেধৰণৰ আন এটি ঘটনাৰ সন্দৰ্ভত আৰপিএফ/আলিপুৰদুৱাৰ আৰু আৰপিএফ/নিউ কোচবিহাৰৰ এটা যুটীয়া দলে নিউ কোচবিহাৰ ৰে’ল ষ্টেচনত এক গোপন তথ্যৰ পম খেদি ৰে’ল নং. ১৫৬২৬ ডাউন (আগৰতলা-দেওঘৰ এক্সপ্ৰেছ)ৰে’লখনত এক অভিযান চলায়।
লগতে পঢ়ক: অসমৰ কি আহে যায়! কেন্দ্ৰৰ হিন্দী আগ্ৰাসনৰ বিৰুদ্ধে তামিলনাডু বিধানসভাত প্ৰস্তাৱ; বিজেপিৰ ৱাক আউট
অভিযানৰ সময়ত দলটোৱে গাঞ্জা থকা ৪ টা গৰাকীবিহীন গাঞ্জা ভৰ্তি বস্তা জব্দ কৰিবলৈ সক্ষম হয়। জব্দ কৰা গাঞ্জাসমূহৰ মূল্য প্ৰায় ৫.৬৮ লাখ টকা আৰু ওজন প্ৰায় ৫৬.৮ কিলোগ্ৰাম। পিছত জব্দ কৰা গাঞ্জা পৰৱৰ্তী বিহিত ব্যৱস্থা গ্ৰহণৰ বাবে নিউ কোচবিহাৰস্থিত জিআৰপিক গতাই দিয়া হয়।
চলিত বৰ্ষৰ অক্টোবৰ মাহৰ ১৫ ৰ পৰা ১৬ তাৰিখৰ ভিতৰত উত্তৰ পূৱ সীমান্ত ৰে’লৱেৰ ৰে’লৱে সুৰক্ষা বাহিনীয়ে আগৰতলা, ডিমাপুৰ, কামাখ্যা আৰু নিউ কোচবিহাৰ ৰে’লৱে ষ্টেচনতো ৰে’লত নিষিদ্ধ সামগ্ৰীৰ বিৰুদ্ধে অভিযান চলাই সৰ্বমুঠ ১২ টা গৰাকীবিহীন বেগ আৰু ৭টা স্বত্ববিহীন পেকেট (গাঞ্জা সহিত) উদ্ধাৰ কৰিবলৈ সক্ষম হয় যি সমূহৰ ওজন আনুমানিক ১৪৭ কিলোগ্ৰাম আৰুআনুমানিক মূল্য ১৪.৭ লাখ টকা হ’ব।
লগতে পঢ়ক: পৰিৱেশ কৰ্মীকে পৰিৱেশ মন্ত্ৰালয়ৰ দায়িত্ব! আটাইতকৈ কনিষ্ঠ মন্ত্ৰী হিচাপে কাৰ্যভাৰ গ্ৰহণ
জব্দ কৰা গাঞ্জাসমূহ পৰৱৰ্তী বিহিত ব্যৱস্থা গ্ৰহণৰ বাবে ষ্টেচনৰ সংশ্লিষ্ট অ’চি/জিআৰপিৰ হাতত গতাই দিয়া হয়।
