আজি ঘোষণা কৰা দেউৰী স্বায়ত্ত শাসিত পৰিষদৰ নিৰ্বাচন ফলাফল অনুসৰি মুঠ ২২ খন আসনৰ ভিতৰত বিজেপি মিত্রজোঁটে লাভ কৰিছে ১২ খন আসন। ইয়াৰ বিপৰীতে কংগ্ৰেছে ২ খন আৰু জে পি পিয়ে ৭ খনকৈ আসন লাভ কৰিছে। বাকী এখন আসনত নিৰ্দলীয় প্ৰাৰ্থীয়ে বিজয় সাব্যস্ত কৰিছে।
ফলাফল অনুসৰি ১নং শদিয়া সমষ্টিত বিজেপি প্ৰাৰ্থী যতীন চন্দ্ৰ দেউৰী, ২নং কুণ্ডিল সমষ্টিত বিজেপি প্ৰাৰ্থী জয়ৰাম দেউৰী, ৩নং মাৰ্ঘেৰিটা সমষ্টিত বিজেপি প্ৰাৰ্থী যোগেন দেউৰী, ৪নং ডিব্ৰুগড় সমষ্টিত বিজেপি প্ৰাৰ্থী ভাস্কৰ দেউৰী, ৬নং কটিয়ৰি সমষ্টিত বিজেপিৰ হিৰণজিৎ বীৰেশ্বৰ দেউৰী, ৭নং ৰাজাবাৰী সমষ্টিত বিজেপিৰ ভৈৰৱ দেউৰী, ১৪ নং গোগামুখ সমষ্টিত বিজেপি প্ৰাৰ্থী ৰাকেশ বৰদেউৰী বিজয়ী হৈছে।
সেইদৰে, ১৫ নং বৰদেউৰী সমষ্টিত বিজেপি প্ৰাৰ্থী অমৃত প্ৰভা দেউৰী, ২০ নং বঙালমৰা সমষ্টিত বিজেপিৰ প্ৰফুল্ল দেউৰী, ২১ নং গাভৰু সমষ্টিত বিজেপিৰ ৰমা দেউৰী আৰু ২২ নং গহপুৰ সমষ্টিত বিজেপি প্ৰাৰ্থী শশাংক বৰদেউৰীয়ে জয়লাভ কৰে। ১৬ নং বাঁহগড়া সমষ্টিত বিজেপি অগপ প্ৰাৰ্থী নন্দিতা দেউৰীয়ে জয়লাভ কৰিছে।
আনহাতে, ৯নং মাজুলী সমষ্টিত জেপিপি প্ৰাৰ্থী ৰূপ কুমাৰ দেউৰী, ১১ শ্ৰীপানী সমষ্টিত জেপিপি বীণাপানি দেউৰী, ১২ নং জোনাই সমষ্টিত জেপিপি প্ৰাৰ্থী ৰাজেশ দেউৰী, ১৩ নং বৰদলনি সমষ্টিত জেপিপি প্ৰাৰ্থী জিণ্টু চান্দ দেউৰী, ১৭নং সমষ্টিত কাছিকটা সমষ্টিত জেপিপি প্ৰাৰ্থী বীৰেন দেউৰী, ১৮ নং পিছলা সমষ্টিত জেপিপি প্ৰাৰ্থী ৰিংকুমণি দেউৰী আৰু ১৯ নং কিনাপথাৰ সমষ্টিত জেপিপি প্ৰাৰ্থী বিজুমণি দেউৰীয়ে জয়লাভ কৰিছে।
তাৰমাজতে কংগ্ৰেছে ৫ নং টেঙাপানী আৰু ৮ নং যোৰহাট সমষ্টিত জয়লাভ কৰিছে। একেদৰে, ১০ নং চিচিবৰগাওঁ সমষ্টিত নিৰ্দলীয় প্ৰাৰ্থী দেৱকান্ত দেউৰীয়ে জয়লাভ কৰিছে।
ইপিনে, দেউৰী স্বায়ত্তশাসিত পৰিষদৰ নিৰ্বাচনত ধেমাজিত চাৰিটা সমষ্টিত বিজেপিয়ে পৰাজয়ৰ সন্মুখীন হৈছে।
বিজেপি দলৰ নেতা-পালিনেতাৰ ব্যাপক প্ৰচাৰৰ পিছতো পৰিষদীয় চাৰিটা সমষ্টি বিজেপিৰ ভাগ্যোদয় নঘটিল ৷ ১৩ নং বৰদলনি সমষ্টিত জেপিপি প্ৰাৰ্থী জিণ্টু চান দেউৰীয়ে নিকটতম প্ৰতিদ্বন্দ্বী অগপ-বিজেপিৰ মিত্ৰজোঁটৰ প্ৰাৰ্থী চিদানন্দ দেউৰীক ৪১টা ভোটৰ ব্যৱধানত পৰাস্ত কৰে৷
১০ নং চিচিবৰগাঁও সমষ্টিত নিৰ্দলীয় প্ৰাৰ্থী দেৱকান্ত দেউৰীয়ে নিকটতম প্ৰতিদ্বন্দ্বী বিজেপিৰ ভৱানী দেউৰীক ১৩৫ টা ভোটৰ ব্যৱধানত পৰাস্ত কৰি বিজয়ী হয় ৷ ১৪ নং গোগামুখ সমষ্টিত বিজেপিৰ প্ৰাৰ্থী ৰাকেশ বৰদেউৰীয়ে নিৰ্দলীয় প্ৰাৰ্থী হেমচন্দ্ৰ বৰদেউৰীক ২৬টা ভোটত পৰাস্ত কৰে ৷ ১১ নং শ্ৰীপানী সমষ্টিত জেপিপি প্ৰাৰ্থী বীনাপানী দেউৰীয়ে কংগ্ৰেছৰ টুটুমনি দেউৰীক ১৬২ টা ভোটত পৰাস্ত কৰে ৷
বিজেপিয়ে মাত্ৰ ১৪ নং গোগাঁমুখ পৰিষদীয় সমষ্টিটো দখল কৰাৰ বিপৰীতে জেপিপিয়ে তিনিটা পৰিষদীয় সমষ্টি দখল কৰে ৷ এটা সমষ্টিত নিৰ্দলীয় প্ৰাৰ্থী গৰাকী জয়ী হয় ৷ ১২ নং জোনাই সমষ্টিত জেপিপিৰ ৰাকেশ দেউৰী ৬ ভোটত জয় লাভ কৰে।
