ৰাছিয়াই খেৰচনক মৃতকৰ চহৰত পৰিণত কৰিবলৈ চেষ্টা কৰাৰ অভিযোগ ইউক্ৰেইনৰ

Russia wants to turn Kherson into a city of death ইউক্ৰেইনৰ এজন জ্যেষ্ঠ বিষয়াই ৰাছিয়াৰ সেনাসকলে খেৰচনত জাল পতাৰ থকাৰ অভিযোগ উত্থাপন কৰিছে। ইউক্ৰেইনৰ বিষয়াজনে ৰাছিয়াই খেৰচনক মৃতকৰ চহৰলৈ পৰিণত কৰিবলৈ চেষ্টা কৰাৰো অভিযোগ উত্থাপন কৰিছে।

বাতৰি অনুসৰি, ৰাছিয়াৰ ৰাষ্ট্ৰপতিৰ মুখ্য কাৰ্যালয়ৰ এজন উপদেষ্টা মিখাইলো পাডোলিয়াকে এটা টুইটযোগে কয় যে ৰাছিয়াৰ সেনাই বাসগৃহ, নলাকে ধৰি সকলো ঠাইতে মাইন পুতি ৰাখিছে। ইয়াৰ উপৰিও নিপ্ৰোহ নদীৰ সিপাৰে কামান টোৱাই ৰখা হৈছে। তেওঁলোকে খেৰচন চহৰ ধ্বংস কৰিব বিচাৰে। তেওঁ লগতে কয় যে ৰাছিয়াৰ সেনাই খেৰচনলৈ লুণ্ঠন, হত্যা আৰু স্ফূৰ্তি কৰিবলৈ আহিছিল।

লগতে পঢ়ক: ৰামদেৱৰ পতঞ্জলিৰ ৫টা ঔষধ বন্ধ কৰাৰ নিৰ্দেশ; কাৰণটো কি?

উল্লেখ্য যে মস্কোৱে সকলো ৰাছিয়াৰ সৈন্যক দক্ষিণ ইউক্ৰেইনৰ খেৰচন চহৰ ত্যাগ কৰিবলৈ নিৰ্দেশ দিছে। ফেব্ৰুৱাৰীত ইউক্ৰেইনত ৰাছিয়াৰ অভিযান আৰম্ভ হোৱাৰ পিছত ৰাছিয়াই দখল কৰা একমাত্ৰ আঞ্চলিক ৰাজধানী আছিল খেৰচন।

RF wants to turn Kherson into a "city of death". Ru-military mines everything they can: apartments, sewers. Artillery on the left bank plans to turn the city into ruins. This is what "Russian world" looks like: came, robbed, celebrated, killed "witnesses", left ruins and left.

— Михайло Подоляк (@Podolyak_M) November 10, 2022

পশ্চিমীয়া বিশ্লেষকসকলে কয় যে ইউক্ৰেইনৰ বাহিনীয়ে খেৰচনৰ ফালে তিনিদিশৰ পৰা আগবাঢ়ি আহিছে আৰু চহৰখনৰ উত্তৰ-পূবৰ কিছুমান অঞ্চল পুনৰ দখল কৰিছে। ইফালে, বুধবাৰে মস্কোৱে ঘোষণা কৰে যে ইউক্ৰেইনৰ নিৰন্তৰ আক্ৰমণৰ সন্মুখীন হৈ তেওঁলোকে খেৰচন চহৰৰ পৰা ৰাছিয়াৰ সৈন্য প্ৰত্যাহাৰ কৰিছে।