অল ইণ্ডিয়া বেংক এমপ্লয়িজ এছ’চিয়েশ্যনে (AIBEA) শনিবাৰে (১৯ নৱেম্বৰ) চুক্তি ভংগ, ইউনিয়নৰ অধিকাৰত হস্তক্ষেপকে ধৰি কেইবাটাও অভিযোগ তুলি বেংক ধৰ্মঘটৰ আহ্বান জনাইছে। তেওঁলোকে দাবী কৰিছে যে আন ইউনিয়নসমূহেও এই ধৰ্মঘটক সমৰ্থন কৰিছে।
সমগ্ৰ দেশৰ ৰাজহুৱা আৰু ব্যক্তিগত বেংকসমূহত এই ধৰ্মঘটৰ ফলত গ্ৰাহক সেৱাসমূহ ক্ষতিগ্ৰস্ত হ’ব। এটিএমৰ ক্ষেত্ৰতো সমস্যা হ’ব পাৰে। ধৰ্মঘটৰ ফলত গ্ৰাহকসকলৰ বহুতো অত্যাৱশ্যকীয় সেৱা ব্যাহত হোৱাৰ সম্ভাৱনা আছে। বেঙ্কত ধন জমা কৰা, ধন উলিওৱাৰ পৰা চেক ভঙালৈকে সকলো বাধাগ্ৰস্ত হ’ব পাৰে।
বেংক অফ বৰোদা, পঞ্জাৱ এণ্ড সিন্ধ বেংকৰ দৰে কেইবাটাও বেংকে ইতিমধ্যে তেওঁলোকৰ গ্ৰাহকসকলক ধৰ্মঘটত যোগদান কৰাৰ বিষয়ে অৱগত কৰিছে। এই দুটা বেংকৰ কৰ্মচাৰীৰ উপৰিও কেইবাটাও বেংকৰ কৰ্মচাৰীসকলে ধৰ্মঘটত যোগদান কৰাৰ সম্ভাৱনা আছে।
অল ইণ্ডিয়া বেংক এমপ্লয়িজ এছ’চিয়েশ্যনৰ (AIBEA) সম্পাদক চি এইচ ভেংকটাচলমে কয়, “বেঙ্কে যিদৰে একাধিক চাকৰি আউটচৰ্চ কৰি আছে, তাত গ্ৰাহকসকলৰ বিত্তীয় সুৰক্ষাক লৈ আশংকা আহিছে। বেংকৰ নিম্ন স্তৰৰ কৰ্মচাৰীৰ নিযুক্তিত আউটচৰ্চিঙৰ অত্যাধিক ব্যৱহাৰৰ বাবে ঔদ্যোগিক বিবাদ আইন উলংঘা কৰা হৈছে।
