আমেৰিকাৰ প্ৰাক্তন ৰাষ্ট্ৰপতি ডোনাল্ড ট্ৰাম্প ৪০ বছৰৰ কাৰাদণ্ডৰ সন্মুখীন হ’ব পাৰে। আমেৰিকা যুক্তৰাষ্ট্ৰৰ কংগ্ৰেছৰ এক তদন্ত সমিতিয়ে ইতিমধ্যে তেওঁৰ বিৰুদ্ধে ৰাজদ্ৰোহকে ধৰি চাৰিটা অভিযোগ অনাৰ পৰামৰ্শ দিছে।
যদি এই সকলো অভিযোগ প্ৰমাণিত হয়, তেন্তে ট্ৰাম্প ৪০ বছৰলৈকে কাৰাবাসৰ সন্মুখীন হ’ব পাৰে। একে সময়তে তেওঁ দেশৰ পৰৱৰ্তী ৰাষ্ট্ৰপতি নিৰ্বাচনতো অংশগ্ৰহণ কৰিব নোৱাৰিব।
২০২০ চনৰ ৰাষ্ট্ৰপতি নিৰ্বাচনত ট্ৰাম্পৰ পৰাজয়ৰ পিছত তেওঁৰ সমৰ্থকসকলে নিৰ্বাচনৰ ফলাফল প্ৰত্যাখ্যান কৰে। তাৰ পিছত ২০২১ চনৰ ৬ জানুৱাৰীত তেওঁলোকে কেপিটল হিল আক্ৰমণ কৰে।
বিষয়টোৰ তদন্তৰ বাবে গঠন কৰা এখন সমিতিয়ে আক্ৰমণটোত ট্ৰাম্প জড়িত থকাটো বিচাৰি পাইছিল। সেয়েহে তেওঁলোকে ট্ৰাম্পক ৰাজদ্ৰোহকে ধৰি মুঠ চাৰিটা অভিযোগত বিচাৰ কৰিবলৈ পৰামৰ্শ দিছে।
বাতৰি অনুসৰি, যদি ট্ৰাম্পৰ এই অভিযোগবোৰৰ ওপৰত বিচাৰ হয় আৰু সেয়া প্ৰমাণিত হয়, তেন্তে তেওঁ ৪০ বছৰলৈকে কাৰাবাসৰ সন্মুখীন হ’ব পাৰে। ফলস্বৰূপে তেওঁ পৰৱৰ্তী ৰাষ্ট্ৰপতি নিৰ্বাচনতো প্ৰতিদ্বন্দিতা কৰিব নোৱাৰিব।
লগতে পঢ়ক: দুবছৰীয়া প্ৰেমৰ অন্তত বিবাহপাশত আবদ্ধ হ’ল দুই দেশৰ দুই সমকামী বিশ্ব সুন্দৰীয়ে
২০২০ চনৰ নিৰ্বাচনত জয়ী হোৱাৰ পিছত, ২০২১ চনৰ ৬ জানুৱাৰীত জো বিডেনক নতুন ৰাষ্ট্ৰপতি হিচাপে অধিষ্ঠিত কৰা হয়। ট্ৰাম্পৰ বিৰুদ্ধে বিডেনৰ কাৰ্যভাৰ গ্ৰহণ প্ৰতিহত কৰিবলৈ সংঘৰ্ষক উচটনি দিয়াৰ অভিযোগ আছে, যি পিছত হিংসাত্মক ৰূপ হৈছিল।
সমিতিখনে কেপিটল হিলৰ ঘটনাত ট্ৰাম্প জড়িত থকা তথা উচটনি দিয়াৰ বিষয়টো সুদীৰ্ঘ ১৮ মাহ ধৰি তদন্ত কৰে। তেওঁলোকে তাৰপিছতে ট্ৰাম্পৰ বিৰুদ্ধে চাৰিটা অভিযোগৰ পৰামৰ্শ দিছে। সেইবোৰ হৈছে বিদ্ৰোহত উচটনি আৰু সহযোগিতা, চৰকাৰী কামত বাধা, আমেৰিকা যুক্তৰাষ্ট্ৰক প্ৰতাৰণা কৰাৰ ষড়যন্ত্ৰ আৰু মিছা বিবৃতি দিয়াৰ ষড়যন্ত্ৰৰ অভিযোগ।
ইপিনে, কংগ্ৰেছৰ তদন্ত সমিতিয়ে এনে পৰামৰ্শ দিয়াৰ পিছত ডোনাল্ড ট্ৰাম্পে এনে পৰামৰ্শৰ বিৰুদ্ধে এটা বিবৃতি দিছে। তেওঁ ইয়াক “কেংগাৰু আদালত” বুলি অভিহিত কৰিছে।
লগতে পঢ়ক: আৰ্জেণ্টিনাই বিশ্বকাপ জয়ৰ পিছতো ফিফা ৰেংকিঙৰ শীৰ্ষত আছে ব্ৰাজিল
উল্লেখ্য যে দেশৰ ন্যায় বিভাগে এই অভিযোগবোৰৰ ওপৰত ট্ৰাম্পৰ বিচাৰ কৰা হ’ব নে নহয় তাৰ সিদ্ধান্ত ল’ব। ন্যায় বিভাগ কংগ্ৰেছ তদন্ত সমিতিৰ পৰামৰ্শ পালন কৰিবলৈ বাধ্য নহয়। কংগ্ৰেছ তদন্ত সমিতিয়ে দিয়া পৰামৰ্শসমূহ সম্পূৰ্ণৰূপে সাংকেতিক।
