উচ্চতম ন্যায়ালয়ৰ ন্যায়াধীশ বি ভি নাগাৰাথনাই সোমবাৰে তেওঁৰ ৰায়ত কৈছিল যে বিমুদ্ৰাকৰণ বা বিমুদ্ৰাকৰণ সন্দৰ্ভত কেন্দ্ৰীয় চৰকাৰৰ জাননী “অসাংবিধানিক” আছিল। ৫৮ টা গোচৰৰ ৰায়ত উচ্চতম ন্যায়ালয়ৰ সংবিধান বিচাৰপীঠে আজি কয় যে বিমুদ্ৰাকৰণ সন্দৰ্ভত কেন্দ্ৰৰ সিদ্ধান্তত কোনো ত্ৰুটি নাই।
কিন্তু বিচাৰপীঠৰ পাঁচজন সদস্যৰ মাত্ৰ ন্যায়াধীশ নাগাৰাথনাই তেওঁৰ ৰায়ত কয় যে চৰকাৰৰ সিদ্ধান্ত অসাংবিধানিক আছিল। কেন্দ্ৰই সকলো ১,০০০ আৰু ৫০০ টকাৰ নোট নিষিদ্ধ কৰাৰ প্ৰক্ৰিয়া আৰম্ভ কৰিব নোৱাৰে। অৱশ্যে বিমুদ্ৰাকৰণৰ কেন্দ্ৰৰ সিদ্ধান্ত ৪-১ ব্যৱধানত বাহাল থাকে।
লগতে পঢ়ক: নতুন বছৰৰ আৰম্ভণিতে বিশ্বব্যাপী মন্দাৱস্থাৰ পূৰ্বাভাস কৰিলে আইএমএফে
সোমবাৰে ন্যায়াধীশ নাগাৰাথনাই তেওঁৰ ৰায়ত কয়, “মোৰ মতে ২০১৬চনৰ ৮ নৱেম্বৰ তাৰিখে যি বিমুদ্ৰাকৰণৰ জাননীৰ জৰিয়তে পদক্ষেপ লোৱা হৈছিল সেই জাননীখন অবৈধ আছিল। কিন্তু ২০১৬ চনৰ ইমান দিনৰ পিছত পূৰ্বৱৰ্তী পৰিস্থিতি পুনৰুদ্ধাৰ কৰিব নোৱাৰি। তথাপি, ২০১৬ চনত বিমুদ্ৰাকৰণৰ সিদ্ধান্তটো কেৱল ক্ষমতাৰ এক প্ৰয়োগ আছিল। সিদ্ধান্তটো আইন বিৰোধী আৰু সেয়েহে অবৈধ।‘’
তেওঁৰ ৰায়ত ন্যায়াধীশ নাগাৰাথনাই লগতে কয়, “নিঃসন্দেহে নোট বাতিল কৰাৰ সিদ্ধান্ত ভাল উদ্দেশ্যৰে লোৱা হৈছিল। কিন্তু কেৱল আইনী দৃষ্টিকোণৰ পৰা বিমুদ্ৰাকৰণৰ এই সিদ্ধান্ত অবৈধ।‘’
আৱেদনকাৰীসকলৰ হৈ উপস্থিত থকা অধিবক্তা পি চিদাম্বৰমে দাবী কৰিছিল যে বিমুদ্ৰাকৰণৰ ওপৰত সিদ্ধান্ত ল’বলৈ কেন্দ্ৰই আৰবিআইৰ সৈতে আলোচনা কৰিব লাগে। কিন্তু এই ক্ষেত্ৰত আৰবিআই-ৰ সৈতে কেন্দ্ৰৰ বৈঠকৰ সৱিশেষ প্ৰকাশ কৰা হোৱা নাই।
লগতে পঢ়ক: মেক্সিকোৰ কাৰাগাৰত সশস্ত্ৰ দুৰ্বৃত্তৰ ভয়ংকৰ আক্ৰমণত নিহত কমেও ১৪ জন
উল্লেখ্য যে প্ৰধানমন্ত্ৰী নৰেন্দ্ৰ মোদীয়ে ২০১৬ চনৰ ৮ নৱেম্বৰৰ সন্ধিয়া দেশবাসীক সম্বোধন কৰি ১,০০০ আৰু ৫০০ টকাৰ নোট বাতিল কৰাৰ কথা ঘোষণা কৰিছিল। বিমুদ্ৰাকৰণৰ সিদ্ধান্তৰ বিৰুদ্ধে উচ্চতম ন্যায়ালয়ত প্ৰায় ৫৮ টা গোচৰ ৰুজু কৰা হৈছিল। সেই গোচৰবোৰৰ শুনানি যোৱা বছৰ সম্পূৰ্ণ হৈছিল।
ন্যায়াধীশ চৈয়দ আব্দুল নাজিৰৰ নেতৃত্বত পাঁচজনীয়া সংবিধান বিচাৰপীঠে কেন্দ্ৰৰ বিমুদ্ৰাকৰণ গোচৰৰ শুনানি গ্ৰহণ কৰি আছিল। বিচাৰপীঠখনত ন্যায়াধীশ বি আৰ গাভাই, এ এছ বোপান্না, ভি ৰামসুব্ৰমনিয়াম আৰু বি ভি নাগাৰাথনাও আছিল। উচ্চতম ন্যায়ালয়ে সোমবাৰে এই গোচৰবোৰত নিজৰ ৰায় দিছে।
বিমুদ্ৰাকৰণৰ সময়ত, বজাৰত ১৭.৯৭ লাখ কোটি টকাৰ নোট আছিল। ইয়াৰ ভিতৰত ৫০০ আৰু ১০০০ টকাৰ নোটৰ মূল্য আছিল ১৫.৪৪ লাখ কোটি টকা। সেই ধনৰ ৯৮.৯ শতাংশ, অৰ্থাৎ ১৫.৩১ লাখ কোটি টকা বেংকলৈ ঘূৰি আহে। ২০১৬ চনৰ ৮ নৱেম্বৰত প্ৰধানমন্ত্ৰী মোদীয়ে নিশাটোৰ ভিতৰতে ১,০০০ আৰু ৫০০ টকাৰ নোট বিমুদ্ৰাকৰণ কৰিছিল। ক’লা ধন নিয়ন্ত্ৰণ কৰিবলৈ এই পদক্ষেপ লোৱা হৈছিল বুলি সদৰী কৰিছিল। অৱশ্যে, চৰকাৰৰ পদক্ষেপৰ বিৰুদ্ধে উচ্চতম ন্যায়ালয়ত ৰাজহুৱা স্বাৰ্থৰ মোকৰ্দমা দাখিল কৰা হৈছিল। এই সন্দৰ্ভত শীৰ্ষ ন্যায়ালয়ে আৰবিআই আৰু কেন্দ্ৰৰ পৰা শপতনামা বিচাৰিছিল।
লগতে পঢ়ক: বিমুদ্ৰাকৰণ সন্দৰ্ভত ৰায় দিলে উচ্চতম ন্যায়ালয়ে; মোডীৰ ঘোষণা সন্দৰ্ভত কি ক’লে ন্যায়ালয়ে?
কেন্দ্ৰই ইয়াৰ শপতনামাত কৈছিল যে বিমুদ্ৰাকৰণৰ ফলত ৰাইজ কষ্টৰ সন্মুখীন হ’ব পাৰে। কিন্তু সেই অভিযোগৰ ভিত্তিত চৰকাৰৰ ৫০০ আৰু ১,০০০ টকাৰ নোট বিমুদ্ৰাকৰণক ত্ৰুটিপূৰ্ণ বুলি ক’ব নোৱাৰি। ইয়াৰ উপৰিও চৰকাৰে কৈছিল যে পুৰণি নোটসলনি কৰিবলৈ ৩০ ডিচেম্বৰলৈকে পৰ্যাপ্ত সময় দিয়া হৈছিল। এই সিদ্ধান্তই নাগৰিকসকলৰ মৌলিক অধিকাৰক ক্ষুণ্ণ কৰা নাছিল।
