গুৱাহাটীৰ বামুণীমৈদামত ৰহস্যজনকভাৱে এজন ইউটিউবাৰৰ মৃতদেহ উদ্ধাৰ হৈছে।
সোমবাৰে (১৩ ফেব্ৰুৱাৰী) যুৱতী ইউটিউবাৰ গৰাকীৰ মৃতদেহ উদ্ধাৰ হোৱাৰ পিছত অঞ্চলটোত চাঞ্চল্যৰ সৃষ্টি কৰে।
মৃত যুৱতীগৰাকীক প্ৰিয়লিনা নাথ বুলি চিনাক্ত কৰা হৈছে। তেওঁ চাংগী ভ্লগছ নামৰ এটা ইউটিউব চেনেল চলাইছিল।
বাতৰি অনুসৰি, শেহতীয়াকৈ যুৱতীগৰাকীয়ে ৰাজ্যখনৰ শোণিতপুৰ জিলাৰ জামুগুৰিহাটৰ বাসিন্দা পংকজ নাথৰ সৈতে বিবাহপাশত আৱদ্ধ হৈছিল।
যুৱতীগৰাকীৰ মৃতদেহ সোমবাৰে পুৱা তেওঁৰ বাসগৃহত উদ্ধাৰ কৰা হৈছে।
তেওঁৰ ডিঙিত ৰছী বন্ধা আছিল আৰু শৰীৰত কেইবাটাও আঘাতৰ চিহ্ন আছিল।
মৃত যুৱতীগৰাকীৰ পৰিয়ালৰ সদস্যসকলে অভিযোগ কৰিছে যে প্ৰিয়লিনাক হত্যা কৰা হৈছে।
