পুনেৰ ৱাকাদ অঞ্চলৰ পাঁচ তাৰকাযুক্ত হোটেলৰ পৰা চলোৱা এটা বৃহৎ দেহ ব্যৱসায় চক্ৰক উৎখাত কৰিছে পিম্প্ৰি-চিঞ্চৱাড আৰক্ষীয়ে।দেহ ব্যৱসায়ত আবদ্ধ হৈ থকা এগৰাকী ভোজপুৰী অভিনেত্ৰী আৰু এগৰাকী মডেলক হোটেলখনত অভিযান চলাই উদ্ধাৰ কৰা হয়।
শনিবাৰে পুনেত এজন বিষয়াই জনোৱা মতে, অসৎ কাৰ্যকলাপৰ বাবে তিনিজন লোকক গ্ৰেপ্তাৰ কৰা হৈছে।
ৱাকাড থানাৰ তদন্তকাৰী বিষয়া দেৱেন চাভানে জনোৱা মতে, এটা গোপন সূত্ৰৰ ভিত্তিত পৰিকল্পনা কৰি পিম্প্ৰি-চিঞ্চৱাড আৰক্ষীৰ ক্ৰাইম ব্ৰাঞ্চে এখন পাঁচ তাৰকাযুক্ত হোটেলৰ বাহিৰত জাল পাতিছিল য’ত অভিনেত্ৰী তথা মডেলক অধিক ধন দিয়া গ্ৰাহকক মনোৰঞ্জন দিবলৈ বাধ্য কৰা হৈছিল।
লগতে পঢ়ক: নিৰংকুশ বিজয়! কৰ্ণাটকত সম্পূৰ্ণ অক্সিজেন ল’লে কংগ্ৰেছে; উশাহ লোৱাত কষ্ট পাইছে বিজেপিয়ে
চাভানে কয়, ‘আমি তথ্য লাভ কৰিছিলোঁ যে তিনিজন ব্যক্তিয়ে ভোজপুৰী অভিনেত্ৰীগৰাকী আৰু এগৰাকী মডেলক বিভিন্ন অজুহাতত প্ৰলোভিত কৰি ১৫,০০০-২৫,০০০ টকাৰ বিনিময়ত দেহ ব্যৱসায়ৰ কামলৈ ঠেলি দিছিল’।
সঠিক পৰীক্ষণৰ পিছত ক্ৰাইম ব্ৰাঞ্চে পৰিকল্পনা কৰি এজন নকল গ্ৰাহকক নিয়োগ কৰিছিল যিয়ে তেওঁলোকৰ এজেণ্টৰ সৈতে অনলাইনযোগে যোগাযোগ কৰিছিল। এজেন্টজনে অভিনেত্ৰী-মডেলৰ ফটো শ্বেয়াৰ কৰিছিল আৰু আনকি হোটেলৰ কোঠা এটাও বুকিং কৰিছিল।
পিছত নকল গ্ৰাহকে হোটেলখনত চলি থকা ঘটনাৰ কথা নিশ্চিত কৰে আৰু শুকুৰবাৰে গভীৰ নিশা ক্ৰাইম ব্ৰাঞ্চে তাত অভিযান চলায়।
লগতে পঢ়ক: Karnataka election results: বিজেপি মুক্ত দক্ষিণ ভাৰত; কংগ্ৰেছৰ কটাক্ষৰ সন্মুখীন বিজেপি
চাভানে কয় যে তেওঁলোকে অভিনেত্ৰী আৰু মডেলগৰাকীক উদ্ধাৰ কৰিছে আৰু এই ৰেকেট চলোৱাৰ অপৰাধত তিনিজন লোকক গ্ৰেপ্তাৰ কৰিছে।
বৃহৎ ধনৰ প্ৰতিশ্ৰুতিৰে মহিলা দুগৰাকীক দেহ ব্যৱসায়লৈ প্ৰলোভিত কৰা তিনিজনক প্ৰবীৰ পি মজুমদাৰ, দীনেশ যাদৱ আৰু বিৰাজ যাদৱ বুলি চিনাক্ত কৰা হৈছে।
লগতে পঢ়ক: সংকট আৰু বিপদৰ সময়ত এইবোৰ কথা অৱশ্যেই মনত ৰাখিব! চাণক্যই দিছে উপদেশ
চাভানে জানিবলৈ দিয়ৈ মতে, এতিয়া ৱাকাড আৰক্ষীয়ে চক্ৰটোৱে পেলোৱা জালত জড়িত হৈ পৰা গ্লেমাৰ উদ্যোগৰ আন মহিলা আৰু পিম্প্ৰি-চিনচৱাড আৰু ইয়াৰ আশে-পাশে থকা অন্যান্য অঞ্চলত ছদ্মবেশত দেহ ব্যৱসায় চলোৱা সহযোগীসকলৰ সম্পৰ্কে তদন্ত কৰি আছে।
