দিনত এটা অভ্যাস মগজুৰ বাবে অতি উপকাৰী। সেয়া হ’ল ‘ভাত ঘুমটি’ বা প্ৰতিদিনে দিনৰ ভাগত চমু টোপনি, যিটো আধা ঘণ্টাৰ কম হোৱাটো ভাল। ই জীৱনত তুলনামূলকভাৱে দীঘলীয়া সময়ৰ বাবে মগজুৰ আকাৰ ডাঙৰ কৰি ৰখাত সহায় কৰে। ইউনিভাৰ্চিটি কলেজ লণ্ডনৰ এক গৱেষণাত বিষয়টো পোহৰলৈ আহিছে।
গৱেষণাৰ মতে দিনটোত চমু টোপনি মৰাসকলৰ মগজুৰ আকাৰ গড়তকৈ ১৫ ঘন চেণ্টিমিটাৰ ডাঙৰ থাকে। এয়া এজন ব্যক্তিৰ বাৰ্ধক্য তিনিৰ পৰা ছয় বছৰ পিছুৱাই দিয়াৰ সমতুল্য।
কিন্তু দিনৰ ভাগত বহু লোকৰ এই টোপনিৰ অভ্যাস গঢ়ি তোলাটো কঠিন হৈ পৰে। কাৰণ বেছিভাগ সময়তে পেছাদাৰী কামৰ ধৰণৰ ওপৰত ভিত্তি কৰি সেয়া সম্ভৱ নহয়।
ডাক্তৰ ভিক্টোৰিয়া গাৰ্ফিল্ডে কয়, ‘আমি পৰামৰ্শ দিওঁ যে সকলোৱে কম টোপনিৰ দ্বাৰা উপকৃত হ’ব পাৰে। এজন ব্যক্তিৰ বাবে ই একেবাৰে অভূতপূৰ্ব আৰু ৰোমাঞ্চকৰ ঘটনা।’
শিশুৰ শৈশৱত টোপনি কম হোৱাৰ প্ৰৱণতা থাকে আৰু ই তেওঁলোকৰ বিকাশত সহায় কৰে। কিন্তু বয়সৰ লগে লগে মানুহৰ এই কম টোপনিৰ প্ৰৱণতা বহুত কমি যায়। কিন্তু জীৱনৰ শেষ পৰ্যায়ত অৰ্থাৎ অৱসৰৰ পিছত পুনৰ কম টোপনিৰ অভ্যাস গঢ় লৈ উঠে। ৬৫ বছৰৰ ওপৰৰ প্ৰায় ২৭ শতাংশ লোকৰ দিনৰ ভাগত টোপনি কম।
এই সন্দৰ্ভত ডাঃ গাৰ্ফিল্ডে কয় যে ওজন কমা বা নিয়মিতভাৱে ব্যায়াম কৰাটো বহুতৰে বাবে অতি কঠিন। তেনে ক্ষেত্ৰত তুলনামূলকভাৱে কম টোপনিৰ অভ্যাসটো যথেষ্ট সহজ।
সাধাৰণতে বয়সৰ লগে লগে সকলোৰে মগজু বহুত সংকুচিত হয়। তেনে ক্ষেত্ৰত কম টোপনিয়ে এলঝেইমাৰৰ দৰে ৰোগ প্ৰতিৰোধ কৰিব পাৰে নেকি সেই সম্পৰ্কে অধিক গৱেষণাৰ প্ৰয়োজন।
সৰ্বোপৰি ডিমেনচিয়া প্ৰতিৰোধৰ বাবে মগজুৰ সুস্বাস্থ্য অতি প্ৰয়োজনীয়। সেই ক্ষেত্ৰত বিঘ্নিত টোপনিয়ে অতি নেতিবাচক প্ৰভাৱ পেলায়।
গৱেষকসকলৰ মতে, পৰ্যাপ্ত পৰিমাণে টোপনি নোপোৱাৰ ফলত মগজুত প্ৰদাহ আৰু ইয়াৰ কোষৰ মাজৰ সংযোগৰ ক্ষতি হ’ব পাৰে।
এই সন্দৰ্ভত গৱেষক ভেলেন্টিনা পাজে কয় যে, “দৈনিক দিনৰ চমু টোপনিয়ে এজন ব্যক্তিৰ টোপনিৰ অভাৱ পূৰণ কৰিব। এনে কৰিলে মগজুৰ কোষবোৰো ক্ষতিৰ পৰা ৰক্ষা পৰিব।”
কিন্তু ডাক্তৰ গাৰ্ফিল্ডে নিজেই কৰ্মক্ষেত্ৰত এই চমু টোপনিৰ উপযুক্ত সুযোগ নাপায়। গতিকে মগজুৰ যত্নৰ ক্ষেত্ৰত তেওঁ এক বেলেগ পন্থা গ্ৰহণ কৰে।
এই বিষয়ে চিকিৎসক গাৰ্ফিল্ডে কয়, “সঁচা কথা ক’বলৈ গ’লে মই ৩০ মিনিটৰ ব্যায়াম চমু টোপনিতকৈ বেছি গ্ৰহণযোগ্য বুলি বিবেচনা কৰোঁ।”
বৰ্তমানৰ অধ্যয়নৰ বাবে ব্ৰিটেইনৰ বায়’বেংকৰ পৰা প্ৰায় ৩৫ হাজাৰ ব্যক্তিৰ তথ্য সংগ্ৰহ কৰা হৈছিল। ইয়াৰ পিছত তথ্যসমূহ পৰ্যালোচনা কৰি নিৰ্বাচিত ৪০ৰ পৰা ৬৯ বছৰীয়া লোকসকলক জিনীয় কাৰকৰ ওপৰত ভিত্তি কৰি চমু টোপনিৰ অভ্যাস থকা আৰু নথকা লোকক দুটা ভাগত ভাগ কৰা হয়।
পিছত এই গৱেষণাৰ ফলাফল স্লিপ হেল্থ নামৰ আলোচনীখনত প্ৰকাশ কৰা হয়। ফলাফলত দেখা গৈছে যে দিনৰ ভাগত কম টোপনিত অভ্যস্ত হোৱা লোকৰ মগজুৰ আকাৰ গড়ে স্বাভাৱিকতকৈ ১৫ ঘন চেণ্টিমিটাৰ ডাঙৰ হয়। ই এজন ব্যক্তিৰ বয়স বৃদ্ধি ২.৬ৰ পৰা ৬.৫ বছৰ পিছুৱাই দিয়াৰ সমতুল্য।
এডিনবাৰ্গ বিশ্ববিদ্যালয়ৰ অধ্যাপিকা তথা ব্ৰিটিছ নিউৰ’ছায়েন্স এছ’চিয়েশ্যনৰ সভানেত্ৰী টাৰা স্পাইন-জোন্সে কয় যে, ‘মই ছুটিৰ দিনত দনৰ ভাগত চমু টোপনি যাবলৈ ভাল পাওঁ। গৱেষণাৰ মতে মোৰ টোপনিৰ এই অভ্যাসৰ ফলত অলস অনুভৱ কৰাৰ কোনো কাৰণ নাই। লগতে এই চমু টোপনি মোৰ মগজুৰ বাবে ইতিবাচক হ’ব পাৰে।’
