পুৱাই এনকাউণ্টাৰত নিহত হৈছে উত্তৰ প্ৰদেশৰ এজন কুখ্যাত অপৰাধী। হত্যাৰ চেষ্টা আৰু ডকাইতিকে ধৰি একাধিক অভিযোগত তেওঁ আৰক্ষীৰ তালিকাত আছিল। বহুদিন ধৰি সন্ধান চলি আছিল। অৱশেষত মঙলবাৰে পুৱাৰ ভাগত উত্তৰ প্ৰদেশ আৰক্ষীৰ সৈতে মুখামুখি হোৱাত এনকাউন্টাৰত মৃত্যু হয় কুখ্যাত অপৰাধী মহম্মদ গুফৰানৰ। তেওঁৰ মূৰৰ দাম নিৰ্ধাৰণ কৰা ১,২৫,০০০ টকা।
উত্তৰ প্ৰদেশৰ কৌশাম্বী জিলাত মঙলবাৰে পুৱা আৰক্ষীৰ হাতত ধৰা পৰে গুফৰান। সূত্ৰ অনুসৰি, আৰক্ষীয়ে গুফৰানৰ আত্মগোপন কৰা স্থানৰ সন্ধান পাইছিল। বহুদিন ধৰি গুফৰানে তাত লুকাই আছিল। উত্তৰ প্ৰদেশ আৰক্ষীয়ে গোপন সূত্ৰৰ পৰা এই খবৰ জানিবলৈ পায়। তাৰ পিছত আৰম্ভ হয় অপাৰেচনৰ মাষ্টাৰপ্লেন।
লগতে পঢ়ক: চিকিৎসা বিভ্ৰাট! জিভাৰ সলনি পুৰুষাংগৰ অস্ত্ৰোপচাৰ; বাতিল চিকিৎসালয়ৰ অনুজ্ঞাপত্ৰ
মঙলবাৰে পুৱাৰ ভাগত কৌশাম্বীৰ সমদা চেনি কলৰ সমীপৰ ঘাটিত আৰক্ষীয়ে অভিযান চলায়। আৰক্ষীক দেখি গুফৰানে পলাবলৈ চেষ্টা কৰে। বাইক লৈ পলাবলৈ চেষ্টা কৰিলেও কোনো কাম নহ’ল। সেই সময়লৈকে তেওঁক চাৰিওফালৰ পৰা আৰক্ষীয়ে ঘেৰি ধৰিছিল। গুফৰাণৰ ওপৰত গুলীচালনা কৰে আৰক্ষীয়ে।
পুৱা প্ৰায় পাঁচ বজাত এই এনকাউণ্টাৰত মৃত্যু হয় মহম্মদ গুফৰানৰ। ঘটনাস্থলীৰ পৰা উদ্ধাৰ হৈছে তেওঁৰ বাইক আৰু পিষ্টল।
আৰক্ষীৰ সূত্ৰ অনুসৰি, উত্তৰ প্ৰদেশৰ বিভিন্ন জিলাত গুফৰাণৰ বিৰুদ্ধে মুঠ ১৩টা গোচৰ ৰুজু হৈছিল। তেওঁৰ নাম একাধিক হত্যাকাণ্ড আৰু হত্যাৰ চেষ্টাৰ গোচৰত জড়িত আছিল। ইয়াৰ উপৰিও প্ৰতাপগড় আৰু চুলতানপুৰতো ডকাইতিৰ অভিযোগ উত্থাপন হৈছিল।
লগতে পঢ়ক: প্ৰধানমন্ত্ৰী মোডীক প্ৰশ্ন কৰা সাংবাদিকক হাৰাশাস্তিৰ ঘটনাক গৰিহণা হোৱাইট হাউছৰ
বহুদিন ধৰি আৰক্ষীয়ে তেওঁক বিচাৰি আছিল। ইমান দিনে আৰক্ষীৰ চকুত ধূলি দিও উত্তৰ প্ৰদেশ আৰক্ষীৰ বিশেষ টাস্ক ফ’ৰ্চৰ হাতত মৃত্যু হয় এই কুখ্যাত অপৰাধীৰ।
