যি সময়ত বিলাহীয়ে মধ্যবিত্তক জ্বলা-ক’লা খুৱাইছে সেই সময়তে দুগৰাকী কৃষকৰ কপাল ফুলিছে। বিলাহী বিক্ৰী কৰি দুই কৃষকে চপাইছে কোৰোনাৰে ধন। হয়, দুজন কৃষকে বিলাহী বিক্ৰী কৰি প্ৰায় ৪০ লাখ টকা উপাৰ্জন কৰিছে।
কৰ্ণাটকৰ কোলাৰৰ কৃষক প্ৰভাকৰ গুপ্তা আৰু তেওঁৰ ভাতৃয়ে উপাৰ্জন কৰিছে এই বিশাল পৰিমাণৰ ধন। যোৱা ৪০ বছৰে কৃষক ভাতৃদ্বয়ে বিলাহী খেতি কৰি আহিছে। এইবাৰো প্ৰভাকৰ আৰু সুৰেশে ৪০ একৰ মাটিত বিলাহীৰ খেতি কৰিছিল। এইবাৰ হঠাতে বিলাহীৰ মূল্য বৃদ্ধি হোৱাত তেওঁলোকে প্ৰায় ২০০০ কিলোগ্ৰাম বিলাহী অধিক মূল্যত বিক্ৰী কৰিছিল, যাৰফলত তেওঁলোকে প্ৰায় ৩৮ লাখ টকা উপাৰ্জন কৰিবলৈ সক্ষম হয়!
দুবছৰমান আগতে বিলাহীৰ মূল্যবৃদ্ধি হওঁতে তেওঁলোকে তেতিয়া ১৫ কেজিৰ বিলাহীৰ এটা বাকচ ৮০০ টকাত বিক্ৰী হৈছিল। তেতিয়ালৈকে তেওঁলোকৰ জীৱনত সেয়াই আছিল আটাইতকৈ বেছি মূল্য। কিন্তু এইবাৰ দুয়োজন কৃষকে লাভ কৰিলে অভাৱনীয় মূল্য। ১৫ কেজি বিলাহীৰ বাকচ এটাত এইবাৰ তেওঁলোকে কৰিলে ১৯০০ টকাকৈ!
কিন্তু কেৱল প্ৰভাকৰ আৰু সুৰেশে নহয়, কৰ্ণাটকৰ আন এখন গাঁৱৰ বাসিন্দা ভেংকটাৰমণ ৰেড্ডীয়ে ১৫ কেজিৰ বিলালীৰ এটা বাকচ এটাৰ বাবে ২২০০ টকাকৈ লাভ কৰে। তেওঁ ৩৬ টাকৈ বাকচ বিক্ৰী কৰি ৩.৩ লাখ টকা উপাৰ্জন কৰে।
মুঠৰ ওপৰত বিলাহীৰ আকাশলংঘী দামে মধ্যবিত্তক জ্বলা-ক’লা দেখুওৱালেও কৃষকৰ মুখত হাঁহি বিৰিঙাইছে।
