মণিপুৰত দুগৰাকী মহিলাক দলবদ্ধ ধৰ্ষণ আৰু বিবস্ত্ৰা কৰি পথত খোজ কঢ়োৱাৰ গোচৰত পঞ্চম অভিযুক্তক গ্ৰেপ্তাৰ কৰিছে আৰক্ষীয়ে। যোৱা ৪ মে’ত এই ঘটনাৰ ভিডিঅ’ ভাইৰেল হোৱাৰ পাছত বৃহস্পতিবাৰে পুৱা আৰক্ষীয়ে প্ৰথম অভিযুক্তক গ্ৰেপ্তাৰ কৰে। হুইৰাম হেৰোডাছ মেইটি নামৰ ৩২ বছৰীয়া মূল অভিযুক্তক গ্ৰেপ্তাৰ কৰা হয়। তাৰ পিছত আৰক্ষীয়ে আৰু ৩ জন লোকক গ্ৰেপ্তাৰ কৰে।
এইবাৰ আৰক্ষীয়ে গ্ৰেপ্তাৰ কৰিছে এজন ১৯ বছৰীয়া যুৱকক। নাম নংসিথোই মেইটি। ইয়াৰ লগে লগে মণিপুৰৰ ভাইৰেল ভিডিঅ’ গোচৰত গ্ৰেপ্তাৰ হোৱা লোকৰ মুঠ সংখ্যা ৫জনলৈ বৃদ্ধি পালে।
লগতে পঢ়ক: অসুস্থ মণিপুৰ! সেইদিনটোতে আৰু দুগৰাকী মহিলাক দলবদ্ধ ধৰ্ষণ আৰু হত্যাৰ অভিযোগ
উল্লেখ্য যে মণিপুৰৰ ভাইৰেল ভিডিঅ’ কাণ্ডৰ দোষীৰ বিৰুদ্ধে কঠোৰ ব্যৱস্থা গ্ৰহণ কৰা হ’ব। কাকো ৰেহাই দিয়া নহ’ব। সংসদৰ অধিৱেশন আৰম্ভ হোৱাৰ পূৰ্বে প্ৰধানমন্ত্ৰী নৰেন্দ্ৰ মোদীয়ে এক বাৰ্তা দিয়ে যে কাকো বাদ দিয়া নহ’ব।
মণিপুৰত অব্যাহত থকা হিংসাত্মক পৰিস্থিতিৰ মাজতো প্ৰধানমন্ত্ৰীয়ে কিয় খোলা নোলোৱা বুলি প্ৰশ্ন উত্থাপন কৰিছে বিৰোধীয়ে। ইয়াৰ পিছতে প্ৰধানমন্ত্ৰীয়ে বাৰ্তা দিলে যে অভিযুক্তক তৎক্ষণাত গ্ৰেপ্তাৰ কৰি চৰম ব্যৱস্থা গ্ৰহণ কৰা হ’ব। একে সময়তে মোদীয়ে মণিপুৰৰ মুখ্যমন্ত্ৰী এন বীৰেণ সিঙৰ সৈতেও কথা পাতিছে বুলি মন্তব্য কৰে। তেওঁ মুখ্যমন্ত্ৰীক কঠোৰ হাতেৰে পৰিস্থিতি চম্ভালিবলৈ নিৰ্দেশ দিয়ে।
ইতিমধ্যে এই দুৰ্ভাগ্যজনক ঘটনা সন্দৰ্ভত প্ৰতিবেদন বিচাৰি মণিপুৰৰ মুখ্য সচিব আৰু ডিজিপিলৈ জাননী প্ৰেৰণ কৰিছে ৰাষ্ট্ৰীয় মানৱ অধিকাৰ আয়োগে। এন এইচ আৰ চিয়ে ৪ সপ্তাহৰ ভিতৰত প্ৰতিবেদন দাখিল কৰিবলৈ নিৰ্দেশ দিছে। তদন্তৰ অগ্ৰগতিকে ধৰি ভুক্তভোগীসকলৰ শাৰীৰিক আৰু সামাজিক অৱস্থাৰ বিশদ প্ৰতিবেদন দিবলৈ কোৱা হৈছে।
লগতে পঢ়ক: মণিপুৰ জ্বলিছে, দুমাহ ধৰি তোমালোকৰ কোনো খবৰ নাই! বলিউডৰ চেলিব্ৰিটিসকলক এজাউৰি লিন লাইশ্ৰমৰ
সূত্ৰৰ পৰা জানিব পৰা মতে, এই ভাইৰেল ভিডিঅ’টো যোৱা ৪ মে’ত লোৱা হৈছিল। তাৰ ঠিক আগতেই মণিপুৰত কুকি আৰু মেইটেইৰ সংঘাত আৰম্ভ হৈছিল। ভিডিঅ’টোত ভুক্তভোগী দুজন কুকি সম্প্ৰদায়ৰ বুলি জানিব পৰা গৈছে।
জানিব পৰা মতে, যোৱা ৪ মে’ত মণিপুৰৰ কাংপোকপি জিলাত এই ঘটনা সংঘটিত হৈছিল। ভিডিঅ’টোত দেখা গৈছে যে মহিলা দুগৰাকীয়ে কান্দি কান্দি প্ৰাণভিক্ষা খুজিছিল। কিন্তু তেতিয়াও তেওঁলোকৰ কথা কোনেও শুনা নাছিল।
লগতে পঢ়ক: কোটিৰ ওচৰত! যোৱা জুন পৰ্যন্ত ভাৰতীয় নাগৰিকত্ব এৰা লোকৰ সংখ্যা জানিলে স্তম্ভিত হ’ব আপুনি
অভিযোগ অনুসৰি, দলবদ্ধ ধৰ্ষণৰ পিছত উলংগ কৰি তেওঁলোকক খোজ কঢ়োৱা হয়। সেই ভিডিঅ’ ভাইৰেল হোৱাৰ লগে লগে আৰক্ষী তৎপৰ হৈ পৰে। ইপিনে, শুকুৰবাৰে মূল অভিযুক্ত হুইৰেম হেৰোডাছ মেইটিৰ ঘৰত উন্মত্ত জনতাই জুই লগাই দিয়ে।
