চলন্ত ৰে’লত এগৰাকী যুৱতীক দলবদ্ধ ধৰ্ষণৰ অভিযোগ উঠিছে। এই ঘটনাৰ পিছতে ৰে’লৱেৰ নিৰাপত্তা ব্যৱস্থাক লৈও প্ৰশ্ন উত্থাপন হৈছে। এক্সপ্ৰেছ ৰে’লতেই এনে এক ঘটনা সংঘটিত হোৱাত চাঞ্চল্যৰ সৃষ্টি হৈছে। অভিযোগ অনুসৰি, যুৱতীগৰাকীক খালী ডবাত পাই দুজন যুৱকে ধৰ্ষণ কৰিছিল।
ভুক্তভোগী যুৱতীগৰাকীয়ে পিছত ষ্টেচনত নামি জি আৰ পি’ৰ ওচৰত অভিযোগ দাখিল কৰে। সেই অভিযোগৰ ভিত্তিত দুজন যুৱকক গ্ৰেপ্তাৰ কৰা হৈছে। কিন্তু খালী ডবাত এগৰাকী মহিলা কিয় সুৰক্ষিত নহয় তাকলৈ প্ৰশ্ন উত্থাপন হৈছে।
নিৰ্যাতিতা যুৱতীগৰাকীয়ে জি আৰ পিক দিয়া বক্তব্য অনুসৰি, ভুক্তভোগী যুৱতীগৰাকীৰ ঘৰ অসমৰ কোকৰাঝাৰত। তেওঁ গুৱাহাটীৰ পৰা চিফুং এক্সপ্ৰেছত উঠিছিল। সেই ৰে’লযোগে তেওঁ আলিপুৰদুৱাৰলৈ আহি আছিল। কিছু সময়ৰ পাছত বাকী যাত্ৰীসকল নামি যোৱাত তেওঁ থকা ডবাটো খালী হৈ পৰে।
ইয়াৰ পাছতে যুৱক দুজনে যুৱতীগৰাকীৰ মুখ বন্ধ কৰি ইজনৰ পিছত সিজনে ধৰ্ষণ কৰে। ৰে’লখন চলি থকাৰ বাবে কোনোমতে এই নিৰ্যাতনত বাধা দিব পৰা নগ’ল। চলন্ত ৰে’লতে সংঘটিত হ’ল দলবদ্ধ ধৰ্ষণ।
তাৰ পাছত ষ্টেচনত নামি পলাবলৈ বিচাৰে অভিযুক্ত। কিন্তু অভিযোগ পোৱাৰ লগে লগে যুৱক দুজনক কৰায়ত্ত কৰা হয়। এই ঘটনাৰ পিছত ৰে’ল যাত্ৰীৰ নিৰাপত্তাৰ ওপৰত প্ৰশ্ন উত্থাপন হয়। এই সমগ্ৰ ঘটনা সংঘটিত হৈছে আলিপুৰদুৱাৰত।
ভুক্তভোগী যুৱতীৰ মতে, তেতিয়া মাজনিশা আছিল। অসমৰ শেষ ষ্টেচন শ্ৰীৰামপুৰৰ পৰা চিফুং এক্সপ্ৰেছেৰে আহি আছিল। কিন্তু বংগত প্ৰৱেশ কৰাৰ পিছত নিজ নিজ ষ্টেচনত যাত্ৰী নামি যোৱাৰ পিছত ৰে’লখন খালী হৈ পৰে। আৰু চিফুং এক্সপ্ৰেছ চলি আছিল যদিও ৰে’লৰ ডবাটো খালী হৈ পৰিছিল।
সেই ডবাটোতে যুৱক দুজন আছিল। খালী ডবা আৰু ৰাতিৰ আন্ধাৰৰ সুযোগ লৈ সিহঁতে যুৱতীগৰাকীৰ মুখ বন্ধ কৰি ধৰে আৰু তাৰ পিছত ধৰ্ষণ কৰে। এই কাম কৰি যুৱক দুজন পলাবলৈ চেষ্টা কৰে। তাৰ পাছত যুৱতীগৰাকীয়ে আলিপুৰদুৱাৰ ষ্টেচনত নামি জি আৰ পিক অভিযোগ দাখিল কৰে। সেই অভিযোগৰ ভিত্তিত অভিযুক্ত দুজনক গ্ৰেপ্তাৰ কৰা হয়।
জি আৰ পিৰ সূত্ৰ অনুসৰি, ভুক্তভোগীয়ে দাখিল কৰা অভিযোগৰ ভিত্তিত তালাচী আৰম্ভ কৰা হয়। তালাচী চলি থকাৰ সময়তে অভিযুক্ত যুৱক দুজনে ৰে’লৰ পৰা নামি কোচবিহাৰ অভিমুখে পলায়ন কৰে। কিন্তু তেতিয়ালৈকে জি আৰ পিয়ে তেওঁলোকক চিনি পায়। আৰু খেদি গৈ মাজ ৰাস্তাত সিহঁতক কৰায়ত্ত কৰে।
সেই দুজনৰ ভিতৰত এজনৰ নাম নয়নাল আব্দুল। আন জনৰ নাম মইনুল হক। দুয়োজনক গ্ৰেপ্তাৰ কৰা হৈছে।
