ৰাছিয়াৰ লুনা-২৫ মহাকাশযান চন্দ্ৰত অৱতৰণ কৰাত বিফল হোৱাৰ কেইঘণ্টাৰ পিছতে দেশৰ এগৰাকী আগশাৰীৰ বিজ্ঞানীক চিকিৎসালয়ত ভৰ্তি কৰোৱা হৈছে। অসুস্থ হৈ চিকিৎসালয়ত ভৰ্তি হোৱা এই ৰাছিয়ান বিজ্ঞানীজনৰ নাম হৈছে মিখাইল মাৰোভ (৯০)। চন্দ্ৰলৈ লুনা-২৫ অভিযান বিফল হোৱাৰ পিছত তেওঁৰ স্বাস্থ্যৰ অৱনতি ঘটে। এনে অৱস্থাত শনিবাৰে তেওঁক চিকিৎসালয়লৈ লৈ যোৱা হয়।
শেহতীয়াকৈ ৰাছিয়াই ৪৭ বছৰৰ ভিতৰত প্ৰথমটো চন্দ্ৰ অভিযান চলাইছিল। এই অভিযানৰ বাবে ৰাছিয়ানসকলৰ মাজত যথেষ্ট উৎসাহ আছিল। অৱশ্যে শনিবাৰে সংঘটিত হোৱা এক দুৰ্ঘটনাৰ বাবে এই অভিযান বিফল হয়। ৰাছিয়াৰ মহাকাশ সংস্থা ৰস্কোচমছৰ তথ্য অনুসৰি লুনা-২৫ চন্দ্ৰত দুৰ্ঘটনাগ্ৰস্ত হয়।
লগতে পঢ়ক: বিজেপি মন্ত্ৰীৰ নিদান! ঐশ্বৰ্য ৰায়ৰ দৰে চকু, ছাল পাবলৈ প্ৰতিদিনে খাওক মাছ
লুনা-২৫ মহাকাশযানত কাম কৰা ৰাছিয়াৰ অন্যতম আগশাৰীৰ পদাৰ্থবিজ্ঞানী আৰু জ্যোতিৰ্বিজ্ঞানী মিখাইল। অপাৰেচনৰ বিফলতাৰ পৰিপ্ৰেক্ষিতত যেতিয়া তেওঁ অসুস্থ হৈ পৰে তেতিয়া তেওঁক ৰাছিয়াৰ ৰাজধানী মস্কোৰ চেন্ট্ৰেল ক্লিনিকেল হস্পিতালত ভৰ্তি কৰা হয়।
জ্যোতিৰ্বিজ্ঞানী মিখেইলে সংবাদ মাধ্যমৰ আগত কয় যে এই ঘটনাৰ পৰিসৰ তেওঁৰ বাবে মাৰাত্মক, যাৰ ফলত তেওঁৰ স্বাস্থ্যৰ ওপৰত প্ৰভাৱ পৰে।
চিকিৎসালয়ত সাংবাদিকৰ আগত মিখাইলে এই ঘটনা চিন্তনীয় বুলি জানিবলৈ দিয়ে। এইটো জীৱনৰে এটা অংশ। তেওঁ চিকিৎসকৰ পৰ্যবেক্ষণত আছে।
লগতে পঢ়ক: হাস্পাতালত ৭ টা নৱজাতকক হত্যা কৰা নাৰ্ছক যাৱজ্জীৱন কাৰাদণ্ড; কিয় তেওঁ এনে কাণ্ড কৰিছিল?
ইয়াৰ আগতে ১৯৭৬ চনত তেতিয়াৰ ছোভিয়েট ইউনিয়নে চন্দ্ৰলৈ এখন মহাকাশযান প্ৰেৰণ কৰিছিল। ইয়াৰ নাম আছিল লুনা-২৪। এইবাৰৰ লুনা-২৫ আছিল ছোভিয়েট ইউনিয়ন ভাঙি যোৱাৰ পিছত ৰাছিয়াৰ প্ৰথম চন্দ্ৰ অভিযান।
ছোভিয়েট ইউনিয়নৰ মহাকাশ অভিযানত কাম কৰাৰ অভিজ্ঞতাও মিখাইলৰ আছে। তেওঁ লুনা-২৫ অভিযানক নিজৰ কামৰ চূড়ান্ত পৰিণতি বুলি অভিহিত কৰিছিল। কিন্তু শেষত মিছনটো বিফল হ’ল।
ব্যৰ্থ অভিযান সন্দৰ্ভত মিখাইলে কয় যে চন্দ্ৰত অৱতৰণ সম্ভৱ নহ’ল সেয়া দুখৰ বিষয়। এই অভিযানটোৱেই আছিল তেওঁৰ ৰাছিয়াৰ চন্দ্ৰ অভিযানৰ পুনৰুজ্জীৱন দেখাৰ শেষ আশা।
লগতে পঢ়ক: আত্মসমৰ্পণৰ কথা ঘোষণা কৰিলে আমেৰিকাৰ প্ৰাক্তন ৰাষ্ট্ৰপতি ড’নাল্ড ট্ৰাম্পে
মিখেইলে কয় যে, তেওঁ আশা কৰে যে লুনা-২৫ দুৰ্ঘটনাৰ আঁৰৰ কাৰণ সঠিকভাৱে তদন্ত কৰা হ’ব। ইয়াৰ ওপৰত আলোচনা কৰা হ’ব।
