লেফটেনেন্ট কৰ্ণেলৰ পত্নীৰ সৈতে সম্পৰ্ক থকাৰ অভিযোগত কৰ্ণেলৰ বিৰুদ্ধে কোৰ্ট অফ ইনকুৱেৰিৰ নিৰ্দেশ দিছে সেনাই। নতুন দিল্লীৰ মিছন অলিম্পিক উইঙত নিযুক্ত কৰ্ণেলগৰাকীৰ বিৰুদ্ধে তদন্তৰ নিৰ্দেশ দিয়া হৈছে। দ্য ইণ্ডিয়ান এক্সপ্ৰেছৰ বাতৰিত এইকথা প্ৰকাশ পাইছে।
মিলিটাৰী কলেজ অৱ টেলিকমিউনিকেচন ইঞ্জিনিয়াৰিং (এম চি টি ই)ত নিযুক্তিপ্ৰাপ্ত লেফটেনেণ্ট কৰ্ণেলৰ অভিযোগৰ ভিত্তিত লক্ষ্ণৌস্থিত মুখ্য কাৰ্যালয়ত থকা সেনাবাহিনীৰ কেন্দ্ৰীয় কমাণ্ডে এই তদন্তৰ নিৰ্দেশ দিয়ে।
সেনাবাহিনীৰ ব্ৰিগেডিয়াৰ-ইন-চাৰ্জ-এডমিনিষ্ট্ৰেচনত দাখিল কৰা অভিযোগৰ ভিত্তিত ডেপুটি চীফ অফ আৰ্মি ষ্টাফ (আই এছ এণ্ড চি), লেফটেনেণ্ট জেনেৰেল মাইকেল ফাৰ্নাণ্ডেজে ব’ৰ্ড অৱ অফিচাৰ অভিযুক্তৰ ডিজিটেল প্ৰমাণ (ম’বাইল ফোন, লেপটপ) জব্দ আৰু ছীল কৰিবলৈ নিৰ্দেশ দিছে।
লগতে পঢ়ক: শিলচৰত মুখ্যমন্ত্ৰী হিমন্ত বিশ্ব শৰ্মাৰ মন্তব্য: পৃথক বৰাকলেণ্ডৰ বিৰোধিতা নকৰে চৰকাৰে!
সেই বাজেয়াপ্ত প্ৰক্ৰিয়াত বাৰে বাৰে বাধা দিয়াৰ বাবে অভিযুক্ত কৰ্ণেলজনক এজন বিষয়া আৰু দুজন জোৱানৰ চোৱাচিতাত ‘ঘনিষ্ঠ জিম্মাত’ ৰখা হৈছে।
যাৰ বিৰুদ্ধে অভিযোগ দাখিল হৈছে, সেই বিষয়াজনে দাবী কৰে যে তেওঁক নিজৰ ডিজিটেল সম্পত্তি গতাই দিবলৈ ভাবুকি দিয়া হৈছিল। তেওঁ লগতে অভিযোগ কৰে যে তেওঁ আৰু তেওঁৰ পৰিয়ালৰ ডিজিটেল সম্পদৰাজি জব্দ কৰাৰ বাবে প্ৰথমে তেওঁক মিছা কাৰণ দৰ্শোৱা হৈছিল।
তেওঁ অভিযোগ কৰে যে তেওঁৰ ম’বাইলৰ পৰা কিছু গোপনীয় তথ্য ফাদিল হোৱা বুলি কোৱা হৈছিল আৰু বিষয়টো ৰাষ্ট্ৰীয় নিৰাপত্তাৰ সৈতে জড়িত হোৱাৰ বাবে সেই তথ্য জব্দ কৰা হৈছে।
অভিযুক্ত কৰ্ণেলে তেওঁৰ উচ্চ ৰক্তচাপ ধৰা পৰা বুলিও সেনা কৰ্তৃপক্ষৰ আগত দাবী কৰে। দিল্লী কেণ্টনমেণ্টৰ বেছ হস্পিতালৰ চাইকিয়াট্ৰিক ৱাৰ্ডত ভৰ্তি হোৱাৰ পিছতো তেওঁক ভাবুকি দিয়া হৈছিল।
লগতে পঢ়ক: গ্ৰেণ্ড শ্লেমৰ ফাইনেল পোৱা আটাইতকৈ বয়স্ক খেলুৱৈ; ইউ এছ অ’পেনত বিশ্ব অভিলেখ ৰোহন বোপান্নাৰ
কৰ্ণেলে লগতে অভিযোগ কৰে যে তেওঁৰ চৰকাৰী বাসগৃহ বিষয়া ব’ৰ্ডে ছীল কৰি দিছে। এই সন্দৰ্ভত সেনাৰ নিৰ্দেশনাত স্পষ্ট কৰি দিয়া হৈছে যে যিহেতু বিষয়াজনে নিজৰ মোবাইল ফোন আৰু লেপটপ শ্বেয়াৰ কৰা নাছিল, সেয়ে তেওঁৰ ঘৰলৈ এটা ব’ৰ্ড অৱ অফিচাৰ আহি সেই সকলোবোৰ সামগ্ৰী জব্দ কৰিব লাগে। আৰু যদি ঘৰটোত তলা লগোৱা দেখা যায়, তেনেহ’লে সেইটো ছীল কৰি দিব লাগে।
