পাকিস্তানৰ মিয়ানৱালীৰ বায়ুসেনাৰ প্ৰশিক্ষণ ঘাটিত সংঘটিত হয় এক ভয়ংকৰ সন্ত্ৰাসবাদী আক্ৰমণ। শনিবাৰে পুৱা ছয়জন সন্ত্ৰাসবাদীয়ে গধুৰ অস্ত্ৰৰে বিমান ঘাটিটোত আক্ৰমণ চলায়। দেশৰ সেনাই এই তথ্য অৱগত কৰিছে।
পাকিস্তান সেনাৰ জনসংযোগ বিভাগে প্ৰকাশ কৰা অনুসৰি শনিবাৰে পুৱতি নিশা পাকিস্তান বায়ুসেনাৰ মিয়ানৱালী প্ৰশিক্ষণ ঘাটিত চলোৱা এক সন্ত্ৰাসবাদী আক্ৰমণ ব্যৰ্থ কৰা হয়।
লগতে পঢ়কঃ নিশা ভূমিকম্পৰ বিভীষিকাঃ নেপালত কমেও ৭০ জন লোকৰ মৃত্যু; কঁপাই গ’ল উত্তৰ ভাৰতৰো বহু অঞ্চল
কোৱা হৈছে যে ঘাটিটোত প্ৰৱেশ কৰাৰ পূৰ্বে তিনিজন সন্ত্ৰাসবাদী নিহত হয়। বাকী তিনিজন পলাই গৈছে।
বাতৰি অনুসৰি, সন্ত্ৰাসবাদীসকলে জখলা ব্যৱহাৰ কৰি মিয়ানৱালী বিমানঘাটিৰ দেৱালৰ ওপৰেৰে উঠি ভিতৰত প্ৰৱেশ কৰি আক্ৰমণ চলায়। তাতে কেইবাটাও বোমা বিস্ফোৰণো ঘটায়।
#Pakistan (Mianwali) 🇵🇰 : Airforce base under large scale attack , Heavy firing & Explosions reported .
•Many Suicide Bombers has also attacked the Airbase pic.twitter.com/OnnsSEfJZw
— 卐 Blitz_kreig 卐 (@Tricolour1st) November 4, 2023
সন্ত্ৰাসবাদীৰ আক্ৰমণত তিনিখন গ্ৰাউণ্ডেড যুদ্ধবিমান আৰু এখন ইন্ধন টেংকাৰ ক্ষতিগ্ৰস্ত হোৱা বুলি সেনাই প্ৰকাশ কৰে। অঞ্চলটো সম্পূৰ্ণৰূপে খালী কৰাৰ বাবে ক’ম্বিং অপাৰেচন চলি আছে।
