এনচিপিৰ নেতা ছগন ভুজবল আৰু তেওঁৰ ভতিজা সমীৰ ভুজবলৰ বিৰুদ্ধে বলৱৎকাৰী সঞ্চালকালয়ে ৰুজু কৰা গোচৰ প্ৰত্যাহাৰ কৰাৰ বাবে নিৰ্দেশ দিলে বম্বে উচ্চ ন্যায়ালয়ে।
উল্লেখ্য যে ছগন ভুজবল আৰু সমীৰ ভুজবলৰ বিৰুদ্ধে ইডিৰ আবেদন প্ৰত্যাহাৰ কৰা হৈছে যদিও ভুজবলৰ পুত্ৰ পংকজৰ বিৰুদ্ধে আবেদন সক্ৰিয় হৈ আছে।
বৰ্তমান মহাৰাষ্ট্ৰ চৰকাৰৰ কেবিনেট পদত অধিষ্ঠিত ছগন ভুজবাল। ২০১৬ চনত ভুজবল আৰু তেওঁৰ পৰিয়ালক মহাৰাষ্ট্ৰৰ সদন কেলেংকাৰিৰ সৈতে জড়িত ধন সৰবৰাহৰ অভিযোগত বিৰোধী দলত থকাৰ সময়তে গ্ৰেপ্তাৰ হৈছিল।
২০১৮ চনৰ মে’ মাহত ভুজবলক উচ্চ ন্যায়ালয়ে জামিন প্ৰদান কৰিছিল। জামিনৰ পিছত বিচাৰ আদালতে ১৬ অক্টোবৰত তেওঁলোকৰ পাছপ’ৰ্ট নবীকৰণৰ অনুমতি দিছিল আৰু বিদেশ ভ্ৰমণৰ অনুমতি দিছিল।
উচ্চ ন্যায়ালয়ৰ একক বিচাৰপীঠৰ সন্মুখত ২০১৮ চনত দাখিল কৰা আবেদনৰ জৰিয়তে এই আদেশক প্ৰতিদ্বন্দ্বিতা কৰিছিল ইডিয়ে।
যদিও ২০১৮ চনত এই আবেদন দাখিল কৰা হৈছিল, শেহতীয়াকৈ ন্যায়ালয়ে এই আবেদনৰ শুনানি গ্ৰহণ কৰিছে।
২০১৮ চনৰ পৰা ইডিয়ে বিচাৰ বিভাগত অভিযোগ দাখিল কৰিছে যদিও এই গোচৰৰ বিচাৰ এতিয়াও আৰম্ভ হোৱা নাই। মহাৰাষ্ট্ৰ চৰকাৰৰ দুৰ্নীতি বিৰোধী ব্যুৰোৱে তদন্ত কৰা প্ৰেডিকেট অপৰাধৰ ভিত্তিত ইডিয়ে ৰুজু কৰিছিল এই গোচৰ।
এই গোচৰত জামিন আবেদনৰ শুনানি গ্ৰহণ কৰা আদালতে তেওঁলোকক দোষমুক্ত কৰে।
