বলীউডৰ অভিনেতা–অভিনেত্ৰী সকলক লৈ বিভিন্ন মহলত সদায়ে বিভিন্ন বিষয়ত চৰ্চা চলি থাকে। বলীউডৰ তাৰকা সকলৰ খাদ্য, সাজ–পোচাক, ভ্ৰমণ, প্ৰেম, সম্পৰ্ক, তেওঁলোকৰ পৰিয়ালৰ লোক আদি বিষয়বোৰে সদায়ে সামাজিক মাধ্যম গৰম কৰি ৰাখে। শেহতীয়াকৈ বলীউডৰ এহাল তাৰকা দম্পতীৰ পুত্ৰৰ খবৰে জোকাৰণি তুলিছে সামাজিক মাধ্যমত।
পিতৃ–মাতৃ দুয়ো বলিউডৰ তাৰকা যদিও অভিনয় বা বলীউডৰ জগতৰ প্ৰতি অলপো ৰাপ নাই অক্ষয় কুমাৰ আৰু টুইংকল খান্নাৰ পুত্ৰ আৰাভ কুমাৰৰ।
শেহতীয়াকৈ ছ’চিয়েল মিডিয়াত অক্ষয় আৰু টুইংকলৰ ২১ বছৰীয়া পুত্ৰ আৰাভ কুমাৰক লৈ চলিছে এক বিশেষ চৰ্চা। নেটিজেন সকলে আৰাভ সমকামী নেকি বুলি প্ৰশ্ন কৰিছে।
কিয়নো সামাজিক মাধ্যমত প্ৰচাৰ হৈছে এখন বিশেষ ছবি। উক্ত ছবিখনত থকা যুৱক দুজনৰ এজনক চিনি পোৱা নাই যদিও আনজন দেখাত ঠিক অক্ষয়ৰ পুত্ৰ আৰাভ কুমাৰৰ দৰেই। দুজন যুৱকে চুম্বন কৰি থকা অৱস্থাৰ এই ছবিখন ভাইৰেল হৈ পৰাৰ লগে লগে এই প্ৰশ্ন উত্থাপন হৈছে – সমকামী নেকি অক্ষয় কুমাৰৰ পুত্ৰ আৰাভ?
অৱশ্যে এই ছবিখনক লৈ চলি থকা চৰ্চা সন্দৰ্ভত মুখ খোলা নাই অক্ষয় কুমাৰ আৰু টুইংকল খান্নাই। আনকি আৰাভেও এই চৰ্চাক লৈ কোনো প্ৰতিক্ৰিয়া ব্যক্ত কৰা নাই।
উল্লেখ্য যে ইয়াৰ পূৰ্বে আৰাভক এখন ফটোত ডিঙিত এডাল হাৰৰ সৈতে দেখা গৈছিল। এই হাৰডাল দেখি বহুতেই আৰাভক সমকামী বুলি ধাৰণা কৰি লৈছিল।
সি যি কি নহওক, যৌনতা বা যৌনাকাংক্ষা মানুহৰ এক ব্যক্তি স্বাধীনতাৰ বিষয়। লগতে ই মানুহৰ একান্ত ব্যক্তিগত বিষয়ো। গতিকে কোনো তাৰকা দম্পতীৰ পুত্ৰ সমকামী হয় নে নহয় তাক লৈ হোৱা চৰ্চাই একাংশ নেতিজেনৰ কুৰুচি আৰু পশ্চাদমুখী মানসিকতাকে উদঙাই দিছে।
