এই দেশত গৰুক ভগৱান হিচাপে পূজা কৰা হয়। গতিকে গৰুক অত্যাচাৰ কৰিলে বা গৰু হত্যা কৰিলে ভগৱানে ক্ষমা নকৰে। এই মন্তব্য কোনো হিন্দুত্ববাদী নেতাৰ নহয়।
গুজৰাট উচ্চ ন্যায়ালয়ৰ বিচাৰপীঠে কৰিছে এই মন্তব্য। এক পুৰণি ৰায়ৰ উল্লেখেৰে এই মন্তব্য কৰিছে গুজৰাট উচ্চ ন্যায়ালয়ে।
আদালতৰ মতে, মানুহৰ আৰামৰ বাবে জীৱ-জন্তু হত্যা কৰাটো অপৰাধ। এক গোচৰৰ শুনানিৰ সময়ত আদালতে এইদৰে কয়।
দৰাচলতে গুজৰাটৰ ৰাজপথত গৰাকীবিহীন গৰুৰ সংখ্যা দিনক দিনে বাঢ়ি আহিছে। গুজৰাট, ৰাজস্থান, উত্তৰ প্ৰদেশৰ দৰে ৰাজ্যত গৰু বুঢ়া হ’লে পথত এৰি দিয়া হয় আৰু সেইবাবেই পথত গৰুৰ সংখ্যা বৃদ্ধি পাইছে।
বহু সময়ত এই গৰুবোৰৰ পথতে মৃত্যু হয়। বহু সময়ত দুৰ্ঘটনাৰ বাবেও মৃত্যু হয় এনে এই গৰুবোৰৰ আৰু ইয়াৰ পিছত পথতে পৰি থাকে মৃতদেহবোৰ।
এইদৰে পথত গৰু এৰি দিয়া কাৰ্যত নিষেধাজ্ঞা বিচাৰি গুজৰাট উচ্চ ন্যায়ালয়ত গোচৰ ৰুজু কৰা হৈছে। শুকুৰবাৰে গোচৰৰ শুনানি গ্ৰহণ কৰে আদালতে।
শুনানিৰ সময়ত ন্যায়াধীশ আশুতোষ শাস্ত্ৰী আৰু ন্যায়াধীশ হেমন্ত প্ৰচ্চাই কয় যে পথত এইদৰে মৰা গৰু পৰি থকাটো সঠিক নহয়।
