ইজৰাইলৰ উচ্চতম ন্যায়ালয়ে বিতৰ্কিত ন্যায়িক সংস্কাৰ বাতিল কৰিছে। বিতৰ্কিত ন্যায়িক সংস্কাৰ পৰিকল্পনাৰ বাবে যোৱা বছৰ সমগ্ৰ ইজৰাইলত নেতানিয়াহুৰ চৰকাৰৰ বিৰুদ্ধে গণ প্ৰতিবাদৰ সৃষ্টি হৈছিল।
উক্ত সংস্কাৰ পৰিকল্পনাত উচ্চতম ন্যায়ালয়ৰ ক্ষমতা হ্ৰাস কৰাৰ পদক্ষেপ গ্ৰহণ কৰা হৈছিল। যোৱা বছৰৰ আৰম্ভণিতে নেতানিয়াহু চৰকাৰে ইজৰাইলৰ ন্যায়পালিকাৰ সামগ্ৰিক আৰু উচ্চতম ন্যায়ালয়ক দুৰ্বল কৰাৰ এক পৰিকল্পনা সন্মুখলৈ আনিছিল।
লগতে পঢ়কঃ `পৰেশ বৰুৱাৰ সৈতে যোগাযোগত আছো যদিও তাৎক্ষণিক আলোচনাৰ সম্ভাৱনা নাই’; মন্তব্য মুখ্যমন্ত্ৰীৰ
এই সংস্কাৰসমূহ কাৰ্যকৰী কৰা হ’লে ইজৰাইলৰ সংসদে উচ্চতম ন্যায়ালয়ৰ ৰায়সমূহক বাতিল কৰাটো সহজ হ’লহেঁতেন।
সমালোচকসকলে কৈছিল যে ই ন্যায়পালিকাক দুৰ্বল কৰি দেশৰ গণতন্ত্ৰক গুৰুতৰভাৱে ক্ষতিগ্ৰস্ত কৰিব।
যোৱা বছৰৰ জুলাই মাহত চৰকাৰে এই আইনখন গৃহীত কৰিছিল। এই আইনখনে ইজৰাইলত ব্যাপক ক্ষোভ আৰু বিভাজনৰ সৃষ্টি কৰিছিল।
লগতে পঢ়কঃ2024 Leap Year: ২০২৪ চনটো এটা অধিবৰ্ষ? কিয় প্ৰতি চাৰি বছৰৰ মূৰে মূৰে লিপ ইয়েৰ নহয়?
কেইবামাহো ধৰি প্ৰতিবাদৰ অন্তত ২০২৩ চনত চৰকাৰে গ্ৰহণ কৰা এই আইনখন বাতিল কৰিবলৈ উচ্চতম ন্যায়ালয়ে অৱশেষত দিলে এই সিদ্ধান্ত।
