বৃহস্পতিবাৰে গুৱাহাটীৰ আৰক্ষীয়ে উত্তৰ প্ৰদেশৰ হাপুৰ জিলাৰ পৰা এগৰাকী ১৪ বছৰীয়া কিশোৰীক উদ্ধাৰ কৰিবলৈ সক্ষম হয়।
যোৱা সোমবাৰে পুৱাৰে পৰা নিৰুদ্দেশ হৈ থকা নাবালিকাগৰাকীক উদ্ধাৰ কৰে বশিষ্ঠ আৰক্ষীৰ এটা দলে।
গুৱাহাটীৰ বশিষ্ঠ থানাত কিশোৰীগৰাকীৰ পিতৃয়ে দাখিল কৰা নিৰুদ্দেশৰ অভিযোগৰ পিছতে আৰক্ষীয়ে তদন্ত আৰম্ভ কৰে।
খবৰ অনুসৰি, বাকৰাপাৰাত থকা তেওঁলোকৰ ভাড়াঘৰৰ পৰা নিৰুদ্দেশ হৈছিল, তেওঁৰ ফোনটো বন্ধ হৈ আছিল।
লগতে পঢ়কঃ কোচিং চেণ্টাৰত ১৬ বছৰ অনুৰ্ধৰ বাবে নামভৰ্তি বন্ধ; কেন্দ্ৰৰ নতুন নিৰ্দেশনা
এই অভিযোগ পঞ্জীয়ন কৰি বিষয়টোৰ তদন্ত আৰম্ভ কৰে মহানগৰ আৰক্ষীয়ে আৰু উত্তৰ প্ৰদেশত কিশোৰীগৰাকীৰ সন্ধান উলিওৱা হয়।
হাপুৰৰ এটা ৰে’ল ষ্টেচনত বশিষ্ঠ আৰক্ষীৰ দলে নাবালিকাগৰাকীক সফলতাৰে বিচাৰি উলিয়াই এই সফলতা লাভ কৰে।
আনহাতে, এই গোচৰৰ সৈতে জড়িত এজন যুৱকক গ্ৰেপ্তাৰ কৰা হৈছে।
লগতে পঢ়কঃ ছিৰিয়াত বিমান আক্ৰমণ; ১০ জন সাধাৰণ নাগৰিকৰ মৃত্যু, কোনে চলালে আক্ৰমণ?
ইপিনে, ছোৱালীজনীক পৰিয়ালৰ হাতত গতাই দিয়া হৈছে।
আৰক্ষীয়ে কিশোৰীগৰাকীক অপহৰণ কৰা হৈছিল নে আন কোনো দিশ আছিল তাৰ তদন্ত অব্যাহত ৰাখিছে।
