চন্দ্ৰযান-৩ লেণ্ডাৰৰ এটা যন্ত্ৰই চন্দ্ৰৰ দক্ষিণ মেৰুৰ ওচৰত পজিচন মাৰ্কাৰ হিচাপে কাম আৰম্ভ কৰিছে বুলি শুকুৰবাৰে ভাৰতীয় মহাকাশ গৱেষণা সংস্থাই প্ৰকাশ কৰিছে। ইছৰ’ই এক বিবৃতিত কয় যে চন্দ্ৰযান-৩ লেণ্ডাৰত সংস্থাপন কৰা লেজাৰ ৰেট্ৰ’ৰিফ্লেক্টৰ এআৰে (LRA) কাম আৰম্ভ কৰিছে।
বিবৃতিটোত কোৱা হৈছে যে আমেৰিকাৰ মহাকাশ সংস্থা নাছাৰ লুনাৰ ৰিকনেছান্স অৰ্বিটাৰে (LRO) প্ৰতিফলিত সংকেতটো সফলতাৰে ধৰা পেলাইছে আৰু ২০২৩ চনৰ ১২ ডিচেম্বৰত লেজাৰ ৰেঞ্জিং জোখ-মাখ লাভ কৰিছে। ইছৰ’ই কয়, ‘এল আৰ অ’ত লুনাৰ অৰ্বিটাৰ লেজাৰ এলটিমিটাৰ (LOLA) ব্যৱহাৰ কৰা হৈছিল। চন্দ্ৰযান-৩ এল আৰ অ’ পূব দিশলৈ উঠি যোৱাৰ লগে লগে চন্দ্ৰৰ বুকুত নিশাৰ ভাগত পৰ্যবেক্ষণটো কৰা হৈছিল।’
লগতে পঢ়কঃ কি যে বিড়ম্বনা! বিলাসী হোটেলৰ ৫ লক্ষাধিক বিল পৰিশোধ নকৰাকৈ পলায়নৰ চেষ্টা মহিলাৰ, পৰিল ফান্দত
আন্তঃৰাষ্ট্ৰীয় সহযোগিতাৰ অংশ হিচাপে নাছাৰ এল আৰ এ চন্দ্ৰযান-৩ বিক্ৰম লেণ্ডাৰত স্থাপন কৰা হৈছিল। ইয়াত এটা অৰ্ধগোলাকাৰ গঠনত আঠটা কৰ্ণাৰ কিউব ৰেট্ৰ’ৰিফ্লেক্টৰ থাকে। ই উপযুক্ত যন্ত্ৰৰ সহায়ত মহাকাশযানখনক প্ৰদক্ষিণ কৰি বিভিন্ন দিশৰ পৰা লেজাৰৰ প্ৰৱেশৰ সুবিধা প্ৰদান কৰে। প্ৰায় ২০ গ্ৰাম ওজনৰ এই আলোকীয় যন্ত্ৰটো চন্দ্ৰৰ পৃষ্ঠত দশক দশক ধৰি টিকি থাকিব পৰাকৈ ডিজাইন কৰা হৈছে।
ইছৰোৱে জনোৱা মতে, ২০২৩ চনৰ ২৩ আগষ্টত চন্দ্ৰৰ দক্ষিণ মেৰুৰ ওচৰত অৱতৰণ কৰা চন্দ্ৰযান-৩ৰ বিক্ৰম লেণ্ডাৰে তেতিয়াৰ পৰাই লোলাৰ সৈতে যোগাযোগ কৰি আহিছে। চন্দ্ৰ অন্বেষণৰ আৰম্ভণিৰ পৰাই চন্দ্ৰত কেইবাখনো এল আৰ এ নিয়োগ কৰা হৈছে বুলি বিবৃতিটোত উল্লেখ কৰা হৈছে। এল আৰ এ হৈছে চন্দ্ৰযান-৩ৰ ক্ষুদ্ৰ সংস্কৰণ। বৰ্তমান ই দক্ষিণ মেৰুৰ ওচৰত পোৱা একমাত্ৰ এল আৰ এ।
লগতে পঢ়কঃ অশনি সংকেত! INDIA এৰি পৃথক মিত্ৰজোঁট গঠন কৰিব পাৰে একাংশ দলে! সকীয়নি আব্দুল্লাৰ
ইছৰ’ই কয় যে, ‘চন্দ্ৰযান-৩ৰ বিক্ৰম লেণ্ডাৰত নাছাৰ এল আৰ এয়ে চন্দ্ৰপৃষ্ঠত দীৰ্ঘম্যাদী জিঅ’ডেটিক ষ্টেচন আৰু স্থান চিহ্নিতকাৰী হিচাপে কাম কৰিব, যাৰ ফলত বৰ্তমান আৰু ভৱিষ্যতৰ চন্দ্ৰ অভিযান উপকৃত হ’ব।’
বিবৃতিটোত উল্লেখ কৰা হৈছে যে এই জোখ-মাখৰ দ্বাৰা মহাকাশযানখনৰ কক্ষপথৰ অৱস্থান সঠিকভাৱে নিৰ্ণয় কৰাত সহায়ক হ’ব। ইয়াৰ উপৰিও চন্দ্ৰৰ গতিবিদ্যা, আভ্যন্তৰীণ গঠন, মহাকৰ্ষণীয় বিজুতিৰ তথ্য উপলব্ধ হ’ব।
