২০২৪- নিখিল ভাৰত কংগ্ৰেছ কমিটীৰ শীৰ্ষ নেতা ৰাহুল গান্ধীৰ ভাৰত জোড়ো ন্যায় যাত্ৰা অসম তথা গুৱাহাটীৰ মাজেৰে যাওঁতে অসমৰ মুখ্যমন্ত্ৰী হিমন্ত বিশ্ব শৰ্মাই নানান ধৰণে বিধি পথালি দি উক্ত যাত্ৰাক হেঙাৰ দিবলৈ গভীৰ প্ৰচেষ্টা চলাইছিল। কিন্তু হিতে বিপৰীত হৈ ভাৰত জোড়ো ন্যায় যাত্ৰাই বহুমুখী প্ৰচাৰ লাভ কৰিবলৈ সক্ষম হ’ল বুলি এক বিবৃত্তিযোগে অসম প্ৰদেশ কংগ্ৰেছে জানিবলৈ দিয়ে।
আনকি ৰাম মন্দিৰ প্ৰতিষ্ঠাৰ নামত যি উন্মাদ পৰিৱেশৰ সৃষ্টি কৰি সৰ্বসাধাৰণ ৰাইজক বিপথে পৰিচালনা কৰাৰ বাবে যত্ন কৰা হৈছিল তাতো চেচাঁ পানী পৰিল বুলি দাবী জনায় প্ৰদেশ কংগ্ৰেছে।
বিবৃত্তিটোত অসম প্ৰদেশ কংগ্ৰেছে লিখিছে, “অসমত ৰাম মন্দিৰৰ নামত সৃষ্টি হোৱা উন্মাদ পৰিৱেশ একেদিনাই নি:শেষ হৈ য়োৱাৰ বাবে আমি অসমৰ মুখ্যমন্ত্ৰী গৰাকীক ধন্যবাদ জ্ঞাপন কৰিলো। কাৰণ তেখেতে ভাৰত জোড়ো ন্যায় যাত্ৰাৰ প্ৰতি প্ৰতিশোধমূলক আচৰণ লোৱাৰ বাবেহে আমাৰ দলৰ প্ৰচাৰ তীব্ৰ ৰূপত বৃদ্ধি পালে। মুখ্যমন্ত্ৰী গৰাকীয়ে বৰদোৱাত শ্ৰীন্ৰী শংকৰদেৱৰ থান দৰ্শনত ৰাহুল গান্ধীক লেতেৰা কৃটনীতি কৰি ৰাহুল গান্ধী ডাঙৰীয়াৰ বাধা দিয়াৰ পাছত এতিয়া কামাখ্যা মন্দিৰ, হাজোৰ পোৱা মন্ধা, হয়গ্ৰীৱ মাধৱ মন্দিৰ আৰু বৰপেটা সত্ৰত নোসোমালে বুলি যি উচ্চ বাক্য কৰিছে সেই সম্পৰ্কে আমি কব খোজো যে উক্ত ধৰ্মস্থান সমূহতো ৰাহুল গান্ধীৰ প্ৰৱেশত বাধা দিয়া নহলে ৰাহুল গান্ধীজীয়ে নিশ্চয় তালৈ গলহেতেন। এতিয়া তেখেতে স্পষ্টীকৰণ দি কওক যে বটদ্ৰৱাৰ থানত ৰাহুল গান্ধীজীক প্ৰৱেশ বাধা দিয়াত তেখেতৰ কোনো ষড়যন্ত্ৰ কৰিছিল তাকেই ধাকি ৰাখিবলৈ এতিয়া ৰাহুল গান্ধীজীয়ে লংপেন্ট চাৰ্ট পিন্ধি বটদ্ৰৱা থানলৈ যাব ওলাইছিল বুলি যি তৰল প্ৰসংগ আনিছে। বটদ্ৰৱাত প্ৰৱেশত অনুমতি পালে ৰাহুল গান্ধীজীয়ে ধুতি কুৰ্টা পিন্ধিয়েই প্ৰৱেশ কৰিলেহেতেন। এই কথা আমি দায়িত্ব সহকাৰে কৈছো।
লগতে বিবৃত্তিটোত কোৱা হৈছে, “ গুৱাহাটী মহনগৰত প্ৰৱেশ কৰাৰ ক্ষেত্ৰত চৰকাৰে বাধা আৰোপ কৰা জৰিয়তে মুখ্যমন্ত্ৰীয়ে যি ৰাজনৈতিক ষড়যন্ত্ৰ কৰিছিল তাকেই ধাকি ৰাখিবলৈ এতিয়া ৰাহুল গান্ধীজীৰ ওপৰত গোচৰ জাপি নিজৰ দুৰ্বলতাক নিজেই উদঙাই দেখুৱাইছে। ৰাহুল গান্ধীজীক গ্ৰেপ্তাৰৰ প্ৰসঙ্গত তেখেতে আইনৰ উৰ্দ্ধাত পদক্ষেপ গ্ৰহণ কৰিব বিচাৰিছে। মুখ্যমন্ত্ৰীয়ে পুলিচ প্ৰশাসনক গোচৰ পঞ্জীয়ন কৰিবলৈ নকলে অসম পুলিচ প্ৰশাসনে আইন উলংঘা হৈছেনে নাই তাক পৰীক্ষণ কৰিবলৈ পুলিচ বিভাগ অপাৰগ নেকি? পুলিচৰ ঘটনাৰ সবিশেষ পুংখানু পুংখ নকৰাকৈ কোন তাৰিখে গ্ৰেপ্তাৰ কৰিব তাক প্ৰকাশ কৰা আৰু গোচৰ পঞ্জীয়ন কৰাটো কিমান যুক্তি সংগত? ৰাহুল গান্ধীজীয়ে বিদায় পৰত অসমৰ মুখ্যমন্ত্ৰীক যিমান পাৰে গোচৰ ৰুজু কৰিবলৈ আহবান জনোৱাৰ কথাটোক আমিও আদৰণি জনাইছো ?
উল্লেখযোগ্য কথা হল যে প্ৰদেশ কংগ্ৰেছৰ সভাপতি ভূপেন কুমাৰ বৰাই কয় যে আমি বেৰিকেড ভঙা নাই, আমি মুখ্যমন্ত্ৰীৰ অহংকাৰ ভাঙিছো। মুখ্যমন্ত্ৰীয়ে আৰু কৈছে যে ডুপ্লিকেট ৰাহুল গান্ধীয়ে ফটো মাৰে আৰু আঁচল ৰাহুল গান্ধী বাছত সোমাই থাকে এই কথাৰ জ্যেষ্ঠ মুখপাত্ৰ ৰমেন বৰঠাকুৰ ডাঙৰীয়াই তথ্য সহকাৰে সংবাদমেলত ভিডিঅ দেখুৱাই খণ্ডন কৰে।
মুখ্যমন্ত্ৰী হল বুলিয়েই যি মন যায় তাকে নকবৰ বাবে মুখ্যমন্ত্ৰীক আহবান জনায় ভূপেন কুমাৰ বৰাই।
লগতে বৰাই কয়, “বেৰিকেড ভঙাৰ পাছত কংগ্ৰেছ দল, যিকোনো পৰিস্থিতি সন্মুখীন হবলৈ প্ৰস্তুত থাকিও আইনৰ প্ৰতি সন্মান জনাই অনুমতি দিয়া পথেৰেহে যাত্ৰা কৰিছিল। গতিকে এইটো পুনৰ কব পাৰি ৰাহুল গান্ধী ডাঙৰীয়া তথা কংগ্ৰেছ দনৰ আইনৰ প্ৰতি সন্মান থকাটোকে প্ৰতিপন্ন কৰে।
