আৱেগিক প্ৰতাৰণা (emotional blackmail)! ২২ বছৰৰ মূৰত পুত্ৰক ঘূৰাই পোৱাৰ বাবে আনন্দত আত্মহাৰা হোৱা পিতৃ-মাতৃৰ এইবাৰ ভুল ভাঙিল। ১৩ কুইণ্টল খাদ্য শস্য আৰু মোবাইল ফোন লৈ অন্তৰ্ধান হ’ল ‘সন্যাসী’। উত্তৰ প্ৰদেশৰ আমেথিত সংঘটিত হৈছে এই ঘটনা।
জানিব পৰা মতে, ৰতিপাল সিং আৰু তেওঁৰ পত্নী ভানুমতী দিল্লীৰ বাসিন্দা। তেওঁলোকৰ পুত্ৰ পিংকু। গোটেই দিনটো খেলা-ধূলা উপভোগ কৰি কটাইছিল। শেষত পিংকুৱে মাক-দেউতাকৰ পৰা গালি খাই ১১ বছৰ বয়সত ঘৰৰ পৰা ওলাই যোৱাৰ সিদ্ধান্ত লয়। সেয়া ২০০২ চনৰ ঘটনা। ইয়াৰ পিছত পৰিয়ালটোৱে আৰু পুত্ৰৰ পুনৰ সন্ধান পোৱা নাছিল।
দুটা দশক পাৰ হৈ গ’ল। কিছুদিন পূৰ্বে উত্তৰ প্ৰদেশৰ আমেথিত দেখা গৈছিল পিংকুক। সি ৰতিপালৰ মূল গাঁৱখনত চিনাকি দি মাকক বিচাৰি আছিল। খবৰ পোৱাৰ পিছতেই তেওঁলোকে আৰু পলম কৰা নাছিল। ৰতিপাল আৰু ভানুমতী দিল্লীৰ পৰা আমেথি পালেগৈ। শৰীৰত এটা চিন দেখি মাতৃয়ে পুত্ৰক চিনি পালে।
লগতে পঢ়কঃ অসমীয়াকে ধৰি ১৩টা আঞ্চলিক ভাষাত অনুষ্ঠিত হ’ব কেন্দ্ৰীয় সশস্ত্ৰ আৰক্ষী বাহিনীৰ নিযুক্তি পৰীক্ষা
তাৰপিছত? সন্ন্যাসীৰূপী ল’ৰাটোৱে মাকৰ পৰা ভিক্ষা লৈ উভতি গ’ল। তেওঁ কয় যে তেওঁলোকৰ সম্প্ৰদায়ত এটা নিৰ্দিষ্ট সময়ৰ পিছত তেওঁলোকে মাতৃৰ পৰা ভিক্ষাগ্ৰহণ কৰিবলগীয়া হয়। সেই নিয়ম মানি চলিবলৈকে তেওঁ উভতি আহিছে।
গাঁৱৰ ৰাইজে ১৩ কুইণ্টল খাদ্য শস্য ভিক্ষা হিচাপে দিয়ে। পেহীয়েকে ১১ হাজাৰ টকাৰে পিংকুক এটা মোবাইল কিনি দিলে।
তাৰপিছত? ৰতিপালে জনায় যে দুদিনমান আগতে পুত্ৰই ফোনত কৈছিল যে তেওঁ ঘৰলৈ উভতি যাব বিচাৰে। কিন্তু তেওঁলোকক আশ্ৰয় দিয়া ধৰ্মীয় সংগঠনটোৱে ১১ লাখ টকা বিচাৰিছে। টকা দিলেহে ঘৰলৈ উভতি যাব পাৰিব। প্ৰথমতে তেওঁ মান্তি নহ’ল যদিও পত্নীৰ হেঁচাত অৱশেষত ৰতিপালে টকাখিনিৰ ব্যৱস্থা কৰিলে। কিন্তু টকা লৈ মঠলৈ যোৱাৰ কথা কওঁতে ল’ৰাটোৱে আপত্তি কৰিলে! তেওঁ অনলাইনত টকা পঠিয়াবলৈ ক’লে।
লগতে পঢ়কঃ ভূত নহয় অদ্ভুত, শৱ ‘দাহ’ৰ পিছত জীৱন্তে ঘৰলৈ উভতি আহিল যুৱক!
ৰতিপাল আৰক্ষীৰ কাষ চাপিল। তদন্তত পোহৰলৈ আহিছে যে পিংকুৰ পৰিচয় লৈ তেওঁলোকৰ পৰিয়াললৈ অহা লোকজন তেওঁলোকৰ হেৰুৱা সন্তান একেবাৰেই নহয়। আনকি তেওঁ উল্লেখ কৰা ঝাৰখণ্ডৰ মঠটোও ভুৱা। সেই যুৱকজনৰ আচল নাম নাফিছ। ঘৰ উত্তৰ প্ৰদেশৰ গোণ্ডা গাঁৱত। ২০২১ চনতো একে ধৰণৰ কৌশলেৰে এটা পৰিয়ালৰ পৰা লক্ষাধিক টকা চুৰি কৰি নিছিল। সেইবাৰ তেওঁৰ লগত আছিল ভাতৃ ৰছিদ।
