বুধবাৰে অসমৰ বিশ্বনাথত বিহ ব্যৱহাৰ কৰি পৰিভ্ৰমী চৰাই হত্যাৰ অভিযোগত অভিযুক্ত তিনিজন ব্যক্তিক গ্ৰেপ্তাৰ কৰা হয়।
কাজিৰঙা ৰাষ্ট্ৰীয় উদ্যানৰ সীমান্তৱৰ্তী বৰগাং বনাঞ্চলৰ সমীপত অৱস্থিত ৰংছালি দালানীত সংঘটিত হয় এই ঘটনা।
বন আৰু আৰক্ষীৰ দলটোৱে দোষীক গ্ৰেপ্তাৰ কৰাৰ লগতে তেওঁলোকৰ পৰা তিনিটা চকোৱা চৰাই উদ্ধাৰ কৰিবলৈ সক্ষম হয়।
লগতে পঢ়কঃ ‘CAA কেতিয়াও ঘূৰাই লোৱা নহ’ব, বিজেপি চৰকাৰে কেতিয়াও ইয়াক লৈ আপোচ নকৰে’: অমিত শ্বাহ
বন বিভাগৰ হাতত পৰা তথ্যৰ ভিত্তিত অভিযুক্তক গ্ৰেপ্তাৰ কৰা বুলি জানিব পৰা গৈছে। গ্ৰেপ্তাৰ হোৱাৰ পিছত এজন ব্যক্তিয়ে চৰাইকেইটাক বিহ দিয়া বুলি স্বীকাৰ কৰে। তিনিওজন সন্দেহযুক্ত লোককে জিম্মাত লৈ তেওঁলোকৰ জেৰা অব্যাহত খা হৈছে।
মৰণোত্তৰ পৰীক্ষাত নিশ্চিত হৈছে যে পৰিভ্ৰমী চৰাইবোৰৰ মৃত্যু সঁচাকৈয়ে বিষক্ৰিয়াৰ ফলত হৈছে।
দুৰ্ভাগ্যজনকভাৱে বিষক্ৰিয়াৰ ফলত এটা ধৃতিৰাজ আৰু দুটা চকোৱাৰ মৃত্যু হয়। পশু চিকিৎসাৰ প্ৰচেষ্টা সত্ত্বেও বিষক্ৰিয়াৰ ফলত তৃতীয়টো চকোৱাৰ মৃত্যু হয়।
লগতে পঢ়কঃ শ্বেয়াৰ বজাৰত বৃহৎ পতন; আদানীৰ ৬৬ হাজাৰ কোটি, আম্বানীৰ ৩০ হাজাৰ কোটিৰ লোকচান!
বন বিষয়াসকলে কয় যে তেওঁলোকে তিনিটা চৰাইৰ মৃত্যু হোৱাৰ বিপৰীতে আৰু তিনিটা চৰাই জীৱিত অৱস্থাত উদ্ধাৰ কৰাত সফল হৈছে।
উদ্ধাৰ কৰা চৰাইকেইটা সম্প্ৰতি চিকিৎসাধীন হৈ আছে বুলি জানিবলৈ দিয়ে ৰাজ্য চৰকাৰৰ এগৰাকী বন বিষয়াই।
