ডিব্ৰুগড় লোকসভাৰ আসনৰ বাবে প্ৰতিদ্বন্দ্বিতা কৰা আপ প্ৰাৰ্থী মনোজ ধনোৱাৰৰ সমৰ্থনত সোমবাৰে দুলীয়াজান চহৰত আম আদমি পাৰ্টিৰ নেত্ৰী তথা দিল্লীৰ শিক্ষামন্ত্ৰী আতিশী মাৰ্লেনাই এক বিশাল ৰোড শ্ব’ৰ নেতৃত্ব দিয়ে।
দুলীয়াজান চহৰৰ মাজেৰে পাৰ হৈ গৌৰৱেৰে দলীয় পতাকা তুলি ধৰি আৰু শ্লোগান দি বহু আপ সমৰ্থকে শোভাযাত্ৰাত যোগদান কৰে। সেই দৃশ্যৰ সাক্ষী হ’বলৈ আৰু আতিশী মাৰ্লেনাৰ ভাষণ শুনিবলৈ আগ্ৰহী বহু লোক গোট খাইছিল। বিশাল সমাৱেশক সম্বোধন কৰি অতিশীয়ে ৰাইজলৈ আন্তৰিক ৰঙালী বিহু শুভেচ্ছা জ্ঞাপন কৰে।
তেওঁ কয়, ‘অসমৰ ৰাইজে অৰবিন্দ কেজৰিৱালক ধাৰাবাহিকভাৱে মৰম আৰু আশীৰ্বাদেৰে আকোৱালি লৈছে। গুৱাহাটী পৌৰ নিগম আৰু তিনিচুকীয়া পৌৰ সভাৰ নিৰ্বাচনত জয়লাভ অপ্ৰত্যাশিত আছিল যদিও সেই বিজয়ৰ দ্বাৰা অৰবিন্দ কেজৰিৱালৰ প্ৰতি জনসাধাৰণৰ যি আস্থা আৰু মৰম আছে তাকেই প্ৰতিফলিত কৰে।”
লগতে পঢ়কঃ IPL 2024: সোমবাৰে নিশা কলকাতাৰ টোপনি কাঢ়িলে চেন্নাইয়ে; বেটে-বলে অদমনীয় ছুপাৰ কিংছ
তেওঁ কয়, “বিশ্বমানৰ বিদ্যালয় আৰু চিকিৎসালয় স্থাপন, মহিলাসকলৰ বাবে বিনামূলীয়া বাছ যাত্ৰাৰ ব্যৱস্থা কৰা, যুৱক-যুৱতীসকলৰ বাবে নিয়োগৰ সুযোগ সৃষ্টি কৰা আদি প্ৰতিশ্ৰুতি পূৰণৰ প্ৰতি তেওঁৰ দায়বদ্ধতাই সকলোকে আকৃষ্ট কৰিছে।”
তেওঁ লগতে কয়, “অসমত হাজাৰ হাজাৰ বিদ্যালয় বন্ধ হৈ গৈছে, চিকিৎসালয়ত অত্যাৱশ্যকীয় ঔষধৰ অভাৱ, চাহ বাগিচাৰ শ্ৰমিকসকলে সামান্য দৈনিক মজুৰিৰ বাবে যুঁজিছে। নিৰ্বাচনৰ পূৰ্বে বিৰাট প্ৰতিশ্ৰুতি দিয়াৰ পিছতো বিজেপিয়ে নিজৰ প্ৰতিশ্ৰুতি পালন কৰাত ব্যৰ্থ হৈছে।”
আতিশীয়ে কয়, “আম আদমী পাৰ্টিয়ে অসমক দৃষ্টান্তমূলক শিক্ষানুষ্ঠান, শক্তিশালী স্বাস্থ্যসেৱাৰ সুবিধা প্ৰদান কৰাৰ প্ৰতিশ্ৰুতি দিছে, আৰু চাহ খেতিয়কসকলৰ বাবে ন্যায্য মজুৰি, মাটিৰ পট্টা, আৰু নূন্যতম সমৰ্থন মূল্য নিশ্চিত কৰি চাহ বাগিচাৰ শ্ৰমিকৰ দুৰ্দশাৰ সমাধানৰ প্ৰতিশ্ৰুতি দিছে। এয়া আপ আৰু অৰবিন্দ কেজৰিৱালৰ অদম্য প্ৰতিশ্ৰুতি।”
লগতে পঢ়কঃ দৈৱৰ দুৰ্বিপাক! জৰুৰী পৰিস্থিতিৰ অচিলাৰে কাৰ্যালয়ৰ পৰা লৈছিল ছুটী, টেলিভিচনত লাইভত দেখিল বচে
বিজেপিৰ কেন্দ্ৰীয় মন্ত্ৰী সৰ্বানন্দ সোণোৱাল আৰু অসম জাতীয় পৰিষদৰ লুৰিণজ্যোতি গগৈৰ দুৰ্গক প্ৰত্যাহ্বান জনাই ডিব্ৰুগড় লোকসভা আসনৰ বাবে আপৰ প্ৰতিদ্বন্দ্বী মনোজ ধানোৱাৰক ভোটদান কৰিবলৈ আতিশীয়ে ৰাইজক আহ্বান জনায়।
