অলপতে ঘোষণা হ’ল মণিপুৰৰ কাউন্সিল অৱ হাইয়াৰ চেকেণ্ডাৰী এডুকেশ্যনৰ ফলাফল। দ্বাদশ শ্ৰেণীৰ এই ফলাফলত প্ৰথম স্থান দখল কৰিলে মালেমংগনবি লায়শ্ৰমে।
২০২৪ চনৰ দ্বাদশ শ্ৰেণীৰ পৰীক্ষাত বিজ্ঞান শাখাত ৬ টা বিষয়তে লেটাৰ মাৰ্কসহ মুঠ ৪৯৩ নম্বৰ লাভ ৰাজ্যখনৰ ভিতৰতে শীৰ্ষ স্থান দখল কৰিছে মালেমংগনবিয়ে।
জানিব পৰা এটা অতি দৰিদ্ৰ পৰিয়ালৰ সন্তান মালেমংগনবি। পিতৃ পেচাত এগৰাকী হকাৰ।
ইম্ফল ইষ্টৰ খুৰাই ছাজোৰ লেইকাইৰ ৰোমেন লাইশ্ৰম আৰু লাইশ্ৰম জুগাৰণি দেৱীৰ জ্যেষ্ঠ কন্যা মালেমংগনবি।
এই সফলতাৰ বাবে পিতৃ-মাতৃ, পৰিয়ালৰ সদস্য আৰু শিক্ষক-শিক্ষয়িত্ৰীক কৃতজ্ঞতা জ্ঞাপন কৰিছে মালেমংগনবিয়ে।
ভৱিষ্যতে এগৰাকী সুচিকিৎসক হোৱাৰ সপোন দেখিছে মালেমংগনবিয়ে। মালেমংগানবিয়ে কয় যে সৰুৰে পৰাই পৰিয়ালৰ লোকে তেওঁক চিকিৎসক হোৱাটো বিচাৰিছিল আৰু ইয়াৰ বাবে উৎসাহিত কৰিছিল।
উল্লেখ্য যে মালেমংগনবি এগৰাকী সক্ৰিয় ছ’চিয়েল মিডিয়া ব্যৱহাৰকাৰী যদিও তেওঁ ছ’চিয়েল মিডিয়া ব্যৱহাৰ কৰাৰ সময়ত নিজকে নিয়ন্ত্ৰণ কৰিছিল।
তেওঁৰ পিতৃয়ে কয় যে তেওঁ গৌৰৱ অনুভৱ কৰে কাৰণ তেওঁৰ ছোৱালীজনী বিভিন্ন বাতৰি কাকতত থাকিব যিবোৰ তেওঁ শ শ মানুহৰ ঘৰত বিলাই ফুৰে।
