গোটেই ২০২৩ চনত আটাইতকৈ বেছি চৰ্চিত বিষয়টো আছিল ‘এআই’ অৰ্থাৎ কৃত্ৰিম বুদ্ধিমত্তা। ইতিমধ্যে বিজ্ঞানীসকলে ভৱিষ্যদ্বাণী কৰিছে যে ২০২৪ চনত কৃত্ৰিম বুদ্ধিমত্তাই আমাৰ দৈনন্দিন জীৱনত অধিক আৰু অধিক প্ৰৱেশ কৰিব। কৰ্মক্ষেত্ৰত সেইটোৱেই হ’ব।
উল্লেখ্য যে এআইৰ প্ৰভাৱত বছৰৰ আৰম্ভণিৰে পৰা বহু লোকে চাকৰি হেৰুৱাইছে। এইবাৰ ৰাজনীতিত প্ৰৱেশ কৰিলে AI এ।
৪ জুলাই, ব্ৰিটেইনৰ সাধাৰণ নিৰ্বাচন। এই নিৰ্বাচনত প্ৰাৰ্থীত্ব আগবঢ়াইছে এআইৰ প্ৰাৰ্থীয়ে। যাৰ নাম হৈছে – ‘এআই ষ্টিভ’।
অৱশ্যে ‘এ আই ষ্টিভ’ জয়ী হ’লে ব্ৰিটিছ সংসদলৈ যাব, সেয়া নহয়। আচলতে এই এআই প্ৰাৰ্থীৰ আঁৰত আছে এজন মানুহ– এআই ফাৰ্ম নিউৰেলভইচৰ অধ্যক্ষ ষ্টিভ এণ্ডাকট।
When Britain heads to the polls, businessman Steve Endacott wants voters to elect what he says will be a better politician: AI Steve, an AI-generated avatar of the 59-year-old. AI Steve listens to constituents' needs and formulates policies https://t.co/mu5HXaBf0t pic.twitter.com/DqOjHoplYG
— Reuters (@Reuters) June 19, 2024
ব্ৰিটেইনৰ ব্ৰাইটন পেভিলিয়ন সমষ্টিৰ পৰা প্ৰতিদ্বন্দ্বিতা আগবঢ়াইছে তেওঁ। আৰু তেওঁৰ প্ৰচাৰ অভিযানৰ সমুখত আছে তেওঁৰ এআই অৱতাৰ ‘এআই ষ্টিভ’। এ আই ষ্টিভ কেৱল প্ৰচাৰৰ দায়িত্বত থকাই নহয়, ষ্টিভ এণ্ডাকটে স্পষ্ট কৰি দিয়ে যে যদি তেওঁ জয়ী হয় তেন্তে তেওঁ এজন মানৱ ৰাজনীতিবিদ হিচাপে সংসদলৈ যাব, কিন্তু তেওঁৰ সকলো কাম এ আই ষ্টিভে নিয়ন্ত্ৰণ কৰিব।
তেওঁ বা আন কোনো ৰাজনৈতিক নেতা সদায় সাধাৰণ মানুহৰ বাবে সুলভ নহয় বুলিও তেওঁ কয়। কিন্তু, এআইয়ে যিকোনো সময়তে ষ্টিভক প্ৰশ্ন কৰিব পাৰিব, সাধাৰণ মানুহে নিজৰ উদ্বেগ প্ৰকাশ কৰিব পাৰিব। এণ্ডাকটে কয় যে তেওঁ এআইৰ শক্তি ব্যৱহাৰ কৰি এনে এজন ৰাজনীতিবিদ সৃষ্টি কৰিব বিচাৰে যিয়ে ভোটাৰৰ কথা অহৰহ শুনি থাকিব পাৰে। লগতে তেওঁলোকৰ পৰামৰ্শ অনুসৰি নীতিগত সিদ্ধান্ত লয়।
