গ্ৰীষ্মকালীন ভিৰৰ সময়ত যাত্ৰীসকলৰ সুবিধাৰ বাবে উত্তৰ-পূব সীমান্ত ৰে’লৱেই (এনএফআৰ) যাত্ৰীৰ চাহিদা বৃদ্ধিৰ সমাধানৰ বাবে আৰু দুখন সাপ্তাহিক বিশেষ ৰে’ল প্ৰৱৰ্তন কৰি এক সক্ৰিয় পদক্ষেপ গ্ৰহণ কৰিছে।
গুৱাহাটী আৰু আনন্দ বিহাৰ টাৰ্মিনেলৰ মাজত এখন ৰে’ল আৰু নিউ তিনিচুকীয়াৰ পৰা ভগত কি কোঠীলৈ আন এখন ৰে’ল চলাচল কৰিব।
দুয়োখন বিশেষ ৰে’লে সাপ্তাহিক ভিত্তিত দুয়োটা দিশতে চাৰিটাকৈ ভ্ৰমণৰ বাবে চলিব।
এই এক্সপ্ৰেছ ৰে’লসমূহে উত্তৰ-পূব, উত্তৰ বংগ, বিহাৰ, আৰু ভাৰতৰ উত্তৰ অংশৰ মাজত ৰে’ল সংযোগ উন্নত কৰি বাণিজ্য আৰু অন্যান্য অৰ্থনৈতিক কাৰ্যকলাপক লাভান্বিত কৰিব।
এই ৰে’লসমূহৰ নিয়মীয়া সেৱা তলত উল্লেখ কৰা অনুসৰি চলিব।
সেই অনুসৰি, ২০২৪ চনৰ ২৪ জুলাইৰ পৰা ১৪ আগষ্টলৈ প্ৰতি বুধবাৰে গুৱাহাটীৰ পৰা ১৫:০০ বজাত ০৫৬৭১ নং ৰে’ল (গুৱাহাটী–আনন্দ বিহাৰ টাৰ্মিনেল) বিশেষভাৱে যাত্ৰা কৰি শুকুৰবাৰে ৮:৫০ বজাত আনন্দ বিহাৰ টাৰ্মিনেলত উপস্থিত হ’ব।
উভতি অহাৰ দিশত ০৫৬৭২ নং (আনন্দ বিহাৰ টাৰ্মিনেল-গুৱাহাটী) বিশেষ ৰে’লখন ২৬ জুলাইৰ পৰা ১৬ আগষ্ট, ২০২৪লৈ প্ৰতি শুকুৰবাৰে আনন্দ বিহাৰ টাৰ্মিনেলৰ পৰা ২৩:৪৫ বজাত যাত্ৰা কৰি দেওবাৰে ১৪:১৫ বজাত গুৱাহাটীত উপস্থিত হ’ব।
কামাখ্যা, ৰঙিয়া, নতুন বঙাইগাঁও, কোকৰাঝাৰ, নতুন আলিপুৰদুৱাৰ, নিউ কোচবিহাৰ, নতুন জলপাইগুৰি, কিষাণগঞ্জ, মালদা টাউন, ভাগলপুৰ, জামালপুৰ, গয়া, পণ্ডিত দীন দয়াল উপাধ্যায় আৰু প্ৰয়াগৰাজ দুয়ো দিশত চলিব।
ৰে’লখনত যাত্ৰীসকলৰ বাবে এটা এচি ৩ টায়াৰ, ৮টা শ্লীপাৰ ক্লাছ আৰু দহটা সাধাৰণ দ্বিতীয় শ্ৰেণীৰ ডবা থাকিব।
ৰেল নং ০৫৯১৯ (নতুন তিনিচুকীয়া-ভগত কি কোঠী) স্পেচিয়েল নিউ তিনিচুকীয়াৰ পৰা প্ৰতি সোমবাৰে ২২ জুলাইৰ পৰা ১২ আগষ্ট, ২০২৪লৈ, ১২:৪৫ বজাত যাত্ৰা কৰিব আৰু বৃহস্পতিবাৰে ৭:১৫ বজাত ভগত কি কোঠীত উপস্থিত হ’ব।
উভতি অহাৰ দিশত ৰেল নং ০৫৯২০ (ভগত কি কোঠী-নতুন তিনিচুকীয়া) বিশেষ প্রতি শুকুৰবাৰে ২৬ জুলাইৰ পৰা ১৬ আগষ্ট, ২০২৪লৈ, ০৫:৩০ বজাত ভগত কি কোঠীৰ পৰা ৰাওনা হ’ব আৰু সোমবাৰে ০৪ বজাত নতুন তিনিচুকীয়া ষ্টেচনত উপস্থিত হ’ব৷
শিমলুগুৰি, ডিফু, লামডিং, কামাখ্যা, ৰঙিয়া, নিউ বঙাইগাঁও, নিউ আলিপুৰদুৱাৰ, নিউ কোচবিহাৰ, কিষনগঞ্জ, কাটিহাৰ, হাজীপুৰ, গোৰখপুৰ, গাজিয়াবাদ, ৰোহটক, চুৰাটগড়, লালগড় জুনিয়ৰ, মেৰটা ৰোড আৰু যোধপুৰ জুনিয়ৰ হৈ এই বিশেষ ৰেলখন চলিব।
ৰে’লখনত যাত্ৰীসকলৰ বাবে দুটা এচি ৩ টায়াৰ, এঘাৰটা শ্লীপাৰ ক্লাছ আৰু ৮টা সাধাৰণ দ্বিতীয় শ্ৰেণীৰ ডবা থাকিব।
এই পথসমূহত যাত্ৰা কৰা অন্যান্য ৰে’লৰ ৱেট লিষ্টেড যাত্ৰীসকলে এই বিশেষ ৰে’লসমূহত এই গ্ৰীষ্মকালত আৰামত যাত্ৰা কৰাৰ সুযোগ ল’ব পাৰে।
এই ৰে’লসমূহৰ ষ্টপেজ আৰু টাইমিঙৰ সবিশেষ আই আৰ চি টি চিৰ ৱেবছাইটত উপলব্ধ হোৱাৰ লগতে এন এফ ৰে’লৱেৰ বিভিন্ন বাতৰি কাকত আৰু ছ’চিয়েল মিডিয়া প্লেটফৰ্মতো অৱগত কৰা হৈছে।
যাত্ৰীসকলক যাত্ৰা আৰম্ভ কৰাৰ পূৰ্বে সবিশেষ পৰীক্ষা কৰিবলৈ অনুৰোধ জনোৱা হৈছে।
