প্ৰাক্তন আই এ এছ প্ৰশিক্ষাৰ্থী পূজা খেড়কাৰৰ মাতৃ মনোৰমা খেড়কাৰৰ জামিন। শুকুৰবাৰে পুনেৰ আদালতে তেওঁক জামিন মঞ্জুৰ কৰে।মনোৰমাক বন্দুক উঠাই এজন কৃষকক ভাবুকি দিয়াৰ অভিযোগত গ্ৰেপ্তাৰ কৰা হৈছিল। এটা ভাইৰেল ভিডিঅ’ত দেখা গ’ল মনোৰমাক হাতত বন্দুক। সেই গোচৰত শুকুৰবাৰে মনোৰামাক ৫০ হাজাৰ টকাৰ ব্যক্তিগত বণ্ডত জামিন দিয়া হৈছিল। অৱশ্যে তেওঁক কেইবাটাও চৰ্ত দিয়া হৈছে।
আদালতে কয় যে যেতিয়াই তদন্তকাৰী বিষয়াসকলে ফোন কৰে তেতিয়াই মনোৰমা থানাত হাজিৰ হ’ব লাগিব। পুলিচক খবৰ নিদিয়াকৈ তেওঁ পুনেৰ পৰা ওলাই যাব নোৱাৰে। মনোৰমাই তদন্তৰ সৈতে জড়িত কোনো ব্যক্তি, কোনো সাক্ষীৰ সৈতে সাক্ষাৎ বা অন্যথা যোগাযোগ কৰিব নোৱাৰে। আদালতে তেওঁক তদন্তত সহযোগ কৰিবলৈ নিৰ্দেশ দিয়ে।
উল্লেখযোগ্য যে এটা পুৰণি ভাইৰেল ভিডিঅ’ৰ ভিত্তিত মনোৰমাক গ্ৰেপ্তাৰ কৰা হৈছিল। পিষ্টল তুলি তাত এজন কৃষকক ভাবুকি দিয়া দেখা গৈছিল।অৱশ্যে সেই ভিডিঅ’ৰ ভিত্তিত কৃষকজনে মনোৰামাৰ বিৰুদ্ধে অস্ত্ৰ আইনৰ অধীনত আৰক্ষীক এফআইআৰ দাখিল কৰে। ভিডিঅ’টোৰ সত্যতা পৰীক্ষা কৰাৰ পিছত আৰক্ষীয়ে গম পায় যে যি মাটিত এই তৰ্ক চলি আছে সেই মাটি ক্ৰয় কৰিছিল পূজাৰ পিতৃ তথা প্ৰাক্তন আমোলা দিলীপ খেডকাৰে। মহাৰাষ্ট্ৰৰ মুলসী তহচিলত ২৫ একৰ মাটি ক্ৰয় কৰিছিল দিলীপে। সেই ভূমিত পূজাৰ মাকৰ ‘দাদাগিৰি’ৰ ভিডিঅ’ পোহৰলৈ অহাতেই আৰক্ষীয়ে মনোৰমা আৰু দিলীপক বিচাৰিবলৈ আৰম্ভ কৰে। তেওঁলোকক বিচাৰিবলৈ তিনিটা আৰক্ষীৰ দল গঠন কৰা হয়। দিলীপৰ সন্ধান এতিয়াও চলি আছে। পুনে আৰক্ষীয়ে জনোৱা মতে, তেতিয়াৰ পৰাই মনোৰমা পলাতক হৈ আছিল। তেওঁৰ বিৰুদ্ধে হত্যাৰ চেষ্টাকে ধৰি একাধিক গোচৰ আছে। মনোৰমা আৰক্ষীৰ পৰা পলায়ন কৰিবলৈ চালকৰ সৈতে এখন হোটেললৈ গৈছিল। মিছা পৰিচয় লৈ তেওঁ তাত আছিল। ফোনটোৰ স্থানৰ ভিত্তিত তেওঁক হোটেলখনৰ পৰা গ্ৰেপ্তাৰ কৰা হয়।
মনোৰমাৰ কন্যা পূজাৰ বিৰুদ্ধে অবৈধভাৱে বিভিন্ন চৰকাৰী সা-সুবিধাৰ সুবিধা লোৱা, ভুৱা প্ৰমাণ পত্ৰ জমা দিয়া আৰু আমোলা হ’বলৈ পৰীক্ষাত ভুৱা তথ্য দিয়াৰ অভিযোগ উত্থাপন হৈছে। প্ৰতাৰণা কৰাৰ অপৰাধত তেওঁক আজীৱন বহিষ্কাৰ কৰিলে ইউ পি এছ চিয়ে। পূজা আৰু কেতিয়াও ইউ পি এছ চিৰ কোনো পৰীক্ষাত অৱতীৰ্ণ হ’ব নোৱাৰে। ইয়াৰ পিছত শুকুৰবাৰে তেওঁৰ জামিন আৱেদনো নাকচ কৰা হয়।
