ভাৰতীয় ক্ৰিকেট ব’ৰ্ডৰ সম্পাদক জয় শ্বাহ ২৭ আগষ্ট মঙলবাৰে আন্তঃৰাষ্ট্ৰীয় ক্ৰিকেট পৰিষদৰ নতুন অধ্যক্ষ হিচাপে বিনা প্ৰতিদ্বন্দ্বিতাত নিৰ্বাচিত হয়। ২০২০ চনত শীৰ্ষ পদটো লাভ কৰাৰ পাছত শ্বাহে গ্ৰেগ বাৰ্কলেৰ পাছত এই স্থানত আসীন হ’ব।২০২৪ চনৰ ১ ডিচেম্বৰৰ পৰা আই চি চিৰ নতুন অধ্যক্ষ হিচাপে দায়িত্ব গ্ৰহণ কৰিব জয় শ্বাহে।
মাহৰ আৰম্ভণিতে আইচিচিয়ে কয় যে এজনতকৈ অধিক প্ৰাৰ্থী থাকিলেহে অধ্যক্ষৰ ভূমিকাত নিৰ্বাচন অনুষ্ঠিত হ’ব। মঙলবাৰে নিশ্চিত হৈছিল যে জয় শ্বাহ শীৰ্ষ পদৰ বাবে একমাত্ৰ মনোনীত সদস্য।
উল্লেখ্য যে, ৩৫ বছৰীয়া জয় শ্বাহ বিশ্ব ক্ৰিকেট গভৰ্নিং ব’ডিৰ মুৰব্বী হিচাপে পৰিগণিত হ’বলগীয়া আটাইতকৈ কম বয়সীয়া ব্যক্তি৷জগমোহন ডালমিয়া, শাৰদ পাৱাৰ, এন শ্ৰীনিবাসন আৰু শশাংক মনোহৰৰ পাছত ভাৰতৰ পৰা তেওঁ আই চি চিৰ নেতৃত্ব দিয়া পঞ্চমজন ব্যক্তি হ’ব।
