১০ বছৰৰ পাছত পুনৰ বিধআন সভা নিৰ্বাচনৰ বাবে সাজু হৈছে জম্মু-কাশ্মীৰ। ইয়াৰ মাজতে সন্ত্ৰাসবাদী আক্ৰমণে পুনৰ ৰক্তাক্ত কৰি তুলিছে জম্মু-কাশ্মীৰ।
সোমবাৰে পুৱা জম্মুৰ সুঞ্জৱান সেনা ঘাটিত উগ্ৰপন্থীয়ে আক্ৰমণ কৰে। এই আকস্মিক আক্ৰমণত আহত হয় এজন সেনা জোৱান।
আক্ৰমণৰ পিছত সেনাবাহিনীয়ে সমগ্ৰ অঞ্চলটো ঘেৰাও কৰি উগ্ৰপন্থীক বিচাৰি উলিয়াবলৈ এক অভিযান আৰম্ভ কৰিছে।
সেনাৰ সূত্ৰ অনুসৰি সোমবাৰে পুৱা প্ৰায় ১০.৫০ বজাত জম্মুৰ সুঞ্জৱানত ৩৬ ব্ৰিগেডৰ দ্বাৰা পৰিচালিত সেনা ঘাটিৰ সন্মুখত হঠাতে গুলীৰ গুলীৰ শব্দ শুনা যায়। লগে লগে সৈনিকসকল সক্ৰিয় হৈ পৰে।
সেনাই প্ৰত্যুত্তৰত গুলীচালনা কৰাৰ পিছত উগ্ৰপন্থীৰ দলটোৱে অঞ্চলটোৰ পৰা পলায়ন কৰে। এই আক্ৰমণত এজন জোৱান আহত হয়। তেওঁক ততাতৈয়াকৈ চিকিৎসালয়লৈ প্ৰেৰণ কৰা হয়।
যোৱা কেইমাহমানৰ পৰা জন্মু-কাশ্মীৰত হিংসাত্মক পৰিস্থিতি বৃদ্ধি পাইছে। অনুমান কৰা মতে, পাকিস্তানৰ আই এছ আইয়ে জম্মু-কাশ্মীৰত ডাঙৰ কুটাঘাত সংঘটিত কৰাৰ পৰিকল্পনা আৰম্ভ কৰিছে।
