আজি ২৯ অক্টোবৰ ২০২৪ তাৰিখে বিয়লি ৪-৩০ বজাত বিশিষ্ট কমিউনিষ্ট তথা চি পি আই ৰাজ্যিক নেতা তথা নিখিল ভাৰত কৃষক সভাৰ প্ৰাক্তন ৰাজ্যিক সম্পাদক কমৰেড বলো বৰাৰ বিয়োগ ঘটে । যোৱা কেইবছৰ মানৰ পৰা পেৰালাইছিচত ভোগা বলো বৰাৰ বৃক্ক দুটাও বিকল হৈ পৰে আৰু শেহতীয়াকৈ ঘৰৰ ভিতৰতে পৰি এখন ভৰিও ভাগি পৰিল ৷ যোৰহাট আৰু গুৱাহাটীৰ নেমকেয়াৰ হস্পিতালত চিকিৎসা কৰা হৈছিল যদিও কিডনী সমস্যাৰ বাবে তেখেতৰ অপাৰেচন কৰিব পৰা নাছিল ৷
কমৰেড বলো বৰাই ৰাজ্যিক সম্পাদক মণ্ডলীৰ সদস্য হিচাপেও কাৰ্যনিৰ্বাহ কৰিছিল ৷ চি পি আইয়ে এগৰাকী আদৰ্শবান , সৎ,নিষ্ঠাবান সংগঠক তথা উচ্চ পৰ্যায়ৰ নেতাক হেৰুৱালে ৷ তেখেতৰ বিয়োগত চি পি আইৰ অসম ৰাজ্য পৰিষদে গভীৰ শোক প্ৰকাশ কৰাৰ লগতে শোকসন্তপ্ত পৰিয়াললৈ আন্তৰিক সমবেদনা জ্ঞাপন কৰিলোঁ ৷ পাৰ্টিৰ আৰু কৃষিজীৱী শ্ৰমজীৱী জনগণৰ বাবে অপূৰণীয় ক্ষতিসাধন হ’ল ৷
