কিলিয়ান এমবাপেৰ বেয়া সময় যেন শেষ হোৱাই নাই। প্ৰথমে এল ক্লাছিকোত পৰাজয়, তাৰ পিছত এচি মিলানৰ বিৰুদ্ধেও পৰাজয়। দুখন মেচত তেওঁ এটাও গ’ল কৰিব নোৱাৰিলে। এইবাৰ নেচনছ লীগত ফ্ৰান্সৰ ৰাষ্ট্ৰীয় দলৰ পৰাও বাদ পৰিল। সকলোকে আচৰিত কৰি ফৰাচী ফৰৱাৰ্ডগৰাকীক জাতীয় দলৰ পৰা বাহিৰ কৰি দিছে প্ৰশিক্ষক ডিডিয়েৰ ডেচনে।
শেহতীয়াকৈ ফ্ৰান্সৰ প্ৰশিক্ষকে নেচনছ লীগত ইটালী আৰু ইজৰাইলৰ বিৰুদ্ধে আগন্তুক খেলৰ বাবে ফ্ৰান্সৰ ২৩ জনীয়া দল ঘোষণা কৰে। তাত এমবাপেৰ নাম নাই। এই সিদ্ধান্তই ফুটবল মহলত জল্পনা-কল্পনা আৰম্ভ কৰি দিছে।
লগতে পঢ়কঃ অসমৰ পৰা ট্ৰেন্সফৰ্মাৰ লৈ বিহাৰলৈ গৈছিল উত্তৰ প্ৰদেশৰ ট্ৰাক; তালাচীত ওলাই পৰিল জোলোঙাৰ মেকুৰী!
খবৰ অনুসৰি এমবাপে ৰাষ্ট্ৰীয় দলত যোগদান কৰাৰ প্ৰবল ইচ্ছা প্ৰকাশ কৰিছিল যদিও অৱশেষত দেশখনে তেওঁক বাহিৰত ৰখাৰ সিদ্ধান্ত লয়।
ৰাষ্ট্ৰীয় দলৰ বাবে এইখন একেৰাহে চতুৰ্থখন মেচ, য’ত এমবাপে অনুপস্থিত থাকিব। যোৱা মাহত ইজৰাইল আৰু বেলজিয়ামৰ বিৰুদ্ধে ফ্ৰান্সৰ খেলতো তেওঁ অনুপস্থিত আছিল। শেহতীয়াকৈ ফ্ৰান্সৰ তাৰকাগৰাকীক ৰিয়েল মাদ্রিদৰ হৈ খেলত ফৰ্মত থকা দেখা যোৱা নাই৷
লগতে পঢ়কঃ ৩৬ বছৰ পিছত ছলমান ৰুছদিৰ ‘দ্য ছ্যেটেনিক ভাৰ্ছেছ’ গ্ৰন্থৰ আমদানিৰ ওপৰত নিষেধাজ্ঞা প্ৰত্যাহাৰ!
বাৰ্চিলোনাৰ বিৰুদ্ধে দুটা গ’ল দিছিল যদিও অফছাইডৰ বাবে বাতিল হৈছিল। যিবোৰ সুযোগ পাইছিল সেইবোৰ পোনে পোনে গোলৰক্ষকৰ হাতত মাৰিছিল। দুৰ্ভাগ্যজনকভাৱে এইবাৰ তেওঁ ফ্ৰান্সৰ ৰাষ্ট্ৰীয় দলৰ পৰাও বাদ পৰিল।
